Iha loron 17 fulan Marsu 2012, Kandidatu Prezidensial Taur Matan Ruak (TMR) tuir votasaun iha Metiaut hamutuk ho komunidade sira, no nia garante katak sei manan iha eleisaun primeira rounde.
“Lakon hau seidauk hatene, manan hau hatene,”hateten Ruak iha Sentru Votasaun Metiaut Dili ,Sabadu 17/03).
Ruak dehan, nia sei manan perkore iha Timor laran tomak dala atus ida ,dalan sanulu resin walu.
“Povu kontenti los ,hare katak,lutador fila fali mai”Nia tenik.
Iha sentru votasaun ne’e situsaun lao Normal tanba hetan siuguransa husi Polisia Nasional Timor leste inklui Polisia Internasional UN.
Observasaun TDW nian iha sentru votasaun nota katak, komunidade barak,Ferik ,Katuas no Joven sira rame-rame tur hein iha Sentru Votasaun atu vota.
Entertantu Votante Januario Almeida hateten, Kandidatu TMR, tuir votasaun iha area neba halo komunidade sira kontenti tebes tanba kandidatu ne’e rasik hamrik iha komunidade sira nia le’et hodi tuir votasaun.
“Sira haruka dehan nudar Prezidenti tenki ser tama uluk vota maibe nia rasik hamutuk nia ferik oan dehan,hau lakohi tanba hau mai vota tanba nudar komunidade ida,hau tenki ser hamrik iha komunidade nia le’et”dehan Votante Almeida.
Almeida dehan ,hafoin Kandidatu Taur Matan Ruak hakat ba Sentru Votasaun, komunidade sira senti orgolhu tebe-tebes ba nia.
“Mais ohin media mak afeta nia mais nia rasik ho laran kontenti konsege intervista nia”
Tuir votante ne’e katak,Taur to’o iha sentru votasaun iha tuku 9:30,no remata nia vota iha tuku 10:25 iha Sentru Votasaun.
“Nia to’o mai iha sentru votasaun,siguransa husi Polisia Nasional,Polisia UN,inklui ho nia eskoltu,”
Almeida dehan,hafoin iha sentru votasaun lao Normal hanesan babain ,la iha afeta ruma iha sentru votasaun neba.
“Komunidade iha ne’e mos kontenti ,haksolok tanba prejidenti nebe kandidatu nia an mos,nia rasik mai aprejenta nia an iha fatin ida ne’e”Almeda hato’o.
Iha fatin hanesan,Joao Soares Bareto infforma katak, situasaun iha sentru Votasaun Metiaut lao hakmatek tanba hetan siguransa husi Polisia Nasional Timor-Leste inklui Polisia UN.
“Ohin votasaun ne’e hahu to’o ohin loron situasaun lao hakmatek ,I ami mos kontenti tanba eleisaun ne’e lao ho susesu”Bareto tenik.
Nia dehan,votasaun hahu tuku iha tuku hitu maibe antes tuku hitu komunidade barak mak hein tiha ona iha sentru votasaun atu ejersa sira nia direitu.
“Ema fo sai dehan, votasaun hahu iha tuku hitu maibe antes tuku hitu ita nia komunidade barak mak hein ona iha fatin votasaun atu vota lalais hodi fila ba uma, “Bareto dehan.
Maske ema barak maibe fasilitador iha sentru votasaun mos fasilita komunidade sira diak tebe-tebes to’o eleisaun ne’e remata.
