Atu Evita no hamenus abuzu uza alcohol (tua) no droga iha comunidade nia le’et iha Distritu Oe-cusse, durante loron tolu foin lalais (23-25/01), ekipa Nnasional hanaran programa Atensaun Sedu no Responde Lalais ne’ebe komposto husi Polisia Comunitario Nasional (PolKom) no Organizasaun Naun Govermental (ONG) PRADET halao treinamento ba Xefe Sucus no Joventude Sukus, iha Salaun Enkontru Administrasau Distritu Oé-Cusse atu nune autoridades komunitarios bele transfere fali informasaun ba comunidade sira oinsa bele evita uza alkohol no droga.
Xefe Seksaun Polisia Nasional PNTL ba Cordenasaun Distritos, Benditu Amaral Alves, hateten importansia husi treinamento ne’e maka oinsa bele halo prevensaun ba drogas sira ne’ebe iha nasaun Timor-Leste nomos drogas sira ne’ebe importa husi rai liur mai Timor-Leste.
“Iha Timor-Leste nia Distritu, Oe-Cusse maka iha fronteria barak tamba ne’e presiza halo treimentu konaba droga atu nune’e komunidade hatene lalaok ka aktividade husi droga ne’e maka saida, hodi bele halo prevensaun. La 100 pursentu komunidade akapta buat ne’ebé ami fahe, maibe pelumenus 50 pursentu sira hetan husi ami atu nune bele halo netik buat ruma iha povu nia let,” Xefe Alves hateten.
Xefe Alves informa tan katak impaktu husi abusu alkohol no droga maka sei estraga saude liu-liu iha fizico no psikolojika.
“Impaktu husi droga ne’e maka halai ba ema nia Saúde, impaktu fisiko, halai mos ema nia psikolojiika. Ita nia nasao Timor-Leste mos foin liu husi etapa rua konolialismu no okupasaun entau aktivdade barak maka oras lao hela iha ita nia nasaun hanesan iha tempu okupasaun ema lori droga tama mai halo ema sai drogado, ema la hatene saida maka moral no respeitu malu tamba nia penyebap maka Droga no Alkohol,” hatutan tan Xefi Alves.
Entertantu Luisa Marsal De Jesus husi NGO PRADET hateten katak dala barak no kuando komunidade sira uza alkohol barak liu ou liu standar ne’ebe iha bele resulta konflitu iha komunidade nia let.
“Ema hemu alkohol barak liu bele muda ema nia hanoin, e hamosu problema iha uma laran, bairo, inklui mos asidente trafego ne’ebé to’o ikus sei afeita ba Nasaun. Tanba ne’e maski komnunidade sira labele halakon maibe oinsa ema idak-idak bele redus hodi uza alcohol,’’ hateten Reprezentante PRADET de Jesus.
Xefe Suku Costa, Alexo Abi, senti kontente tuir treinamentu loron tolu ne’e no nia parte senti orgulho tebes ho formasaun ne’e tanba rezultadu husi abuzu alkohol no droga ne’e maka halo joventude sira sai laiha responsabililade.
Nia haktuir kata nasaun agora atu hakat ba Eleisuan Jeral no nune’e mos mosu perigu wainhira ema uza alcohol no droga ba manipula joven sira nune’e duni presiza mos tau atensaun makas kona ba assuntu ida ne’e.
