“Husik nia kadeira mamuk hela. Ita temi grupu kik oan ne’e ita sira ne’e iha laran, tanba ita simu $3 mil ital maibe ita la mai servisu iha ita nia fatin,” hateten Deputadu Hugo iha Parlamentu Nasional, Dili, semana kotuk (13/12).
Deputado Hugo hateten tan katak ei stitulares balun mos hanesan, la ba servisu maibe pasiar ba rai liur mak barak liu ho osan ne’ebe Estadu ninian.
Nia haktuir katak dala barak parlamentu la iha korum atu priense hodi halao servisu iha parlamentu maibe deputadus hirak ne’e badinas lori kartaun ATM dada osan iha banku.
Entertantu Deputadu Agustu Tara mos hateten katka Parlamentu mos halo korupsaun tanba deputadu balun fulan tomak latama iha parlamentu.
“Rejimentu hateten klaru iha ne’eba mais ita la implementa tuir rejimentu ninia hakarak,” Deputado Tara tenik.
Nia dehan tan katak implementasaun rejimentu parlamentu nian balun deit mak implementa maibe balun la implementa.
“Ita deputadu sira la servisu iha ne’e mos korupsaun bot ida tanba ita simu osan fula-fulan.”
