“Hau husu ba Komandante sira tau a’an hanesan Komandante atu nune’e bele hatudu ninia kompetensia hanesan Komandante para depois bele orienta no jere jestau tomak unidade especial ninian,” hateten Komisariu Monteiru, semana (12/12), hosi Kuartel Jeral PNTL, iha Kaikoli, Dili, durante serimonia tomada de posse ba Komandantes PNTL foun.
Tuir Komisariu Monteiro mos katak atu komandantes tenki bele aprende resolve buat ne’ebe ki’ikoan iha sira nia unidade nia laran atu nune’e labele buat hotu transmite mai fali iha Komando Jeral mak tenki hare asuntu kikoan hirak ne’e.
“Hahalok hanesan ne’e hatudu inkapasidade husi komandante refere,” hatutan Komandante Jeral.
Ofisiais senior PNTL ne’ebe hetan posse sei assume responsablidade ba areas rua prinsipal iha 2012 kona ba dezenvolvimentu seguransa nasaun lkaran no mos preparasaun ba fo suporta seguransa ba Eleisau Jeral 2012 nian.
Entertantu Komandante Komando Operasional PNTL, Armando Monteiru, hateten planu operasaun ninia ne’ebe mak trasa ona konserteza sei kontinua halo nafatin.
“Hau sei alkansa liu mak planu asegura seguransa iha eleisaun jeral 2012 ho kargu foun ne’ebe mak hau assume nudar komandante operasaun nian ba futuro sei alkansa liu tan,” hateten tan Komandante Operasional Monteiru.
