Membru Parlamentu Nasional hateten Lei Reparasaun ba Vitima 1975 no 1999 horas ne’e daudauk iha Komisaun A maibe seidauk fo ba plenaria parlamentar atu hetan diskusaun.
“Lei ne’e sei submete lai ba komisaun, para komisaun halo ninia servisu, halo interpreta, halo audensias hotu tiha hafoin komisaun relevante ne’e halo ninia pareser submete mai iha Parlamentu hafoin halo diskuti artigu pur artigu,” hateten Deputadu Inacio Moreira, FRETILIN, iha Parlamentu Nasional, semana kotuk (1/12).
Deputadu Moreira dehan tan katak Lei Reparasaun ne’e horas ne’e dadauk sei iha Komisaun A no katak to’o agora Lei ne’e rasik sidauk ajenda hodi diskuti iha plenaria Parlamentu nian.
Entertantu Deputadu Mario Viegas Carascalao hateten katak Lei Reparasaun ne’e to’o la iha movimentu.
“Lei ne’e tun ba iha Komisaun mos seidauk fila fali mai iha plenaria atu toma desizaun,” Deputado Carascalao dehan.
