Servisu Invetikasaun Criminal (SIC), Polisia Nasional PNTL, relasiona ho akontesementu kazu homisidiu duplu iha Hotel Beach Garden, iha Dili, iha [data?], deskonfia assassin ema-laran iha Hotel Beach Garden mak autor oho manager ho nia fen.
“Ami deskonfia iha ema laarn nain ida mak organiza hodi mosu akontesementu oho manager ho nia fen iha Hotel Beach Garden tamba nia make mak ne’ebe ikus liu halo kontaktu ho vitima iha oras rua antes manajer ho nia fen mate,” hateten Komandante Jeral Nasional, PNTL, Longuinhos Monteiru iha nia knar fatin Kuartel Jeral Kaikoli, Dili, semanan kotuk (1/12).
Tuir Komandante Monteiru Polisia kontinua halo investigasaun ba kobertura ba Telefone no SMS (ne’ebe mak durante ne’e suspeitu uza hodi kontaktu ba mai.
Maske Polisi hahu deskonfia ona ema nain ida iha akontesemento ne’e maibe agora sira seidauk bele publika ninia identidade ba publiko tamba relasiona ho kazu kriminal ne’ebe sei iha investigasaun nia laran.
“Ita espera katak iha tempo besik suspeitu ne’e sei responsabliza sira nia hahalok purtantu iha deit ema nain ida maka hetan deskonfia husi polisia,” hateten tan Komandante Monteiro.
Entertantu Komandante SIC Calistru Gonzaga hateten katak kontinua hein Ministerio Publiko atu intrega kazu ne’e ba sira para bele prosesa tamba iha informasaun balun maka sira hetan ona kona ba suspeitu.
“Kona ba mate isin Manajer ho nia fen intrega ona ba familia iha loron Domingo [27/11] no halao ona seremonia funeral tuir tradisaun hodi hakoi mate isin,” hateten Komandante Gonzaga.
