“Importanteba Timor-leste ,se deit mak ita koalia ,klaru ita mantein nafatin ita nia pozisaun ,tanba povu tomak hakarak kadoras mai timor, “hateten Sekretariu Estadu Rekursu Naturais (SERN) Alfredo Pires semana kotuk hafoin halo enkontru ho Manajer Diretor CEO- Woodside, Peter Coleman iha Mandarin,Dili.
Iha enkontru ne’ebe taka ba jornalista sira ne’e, tuir Pires, ho objetivu oinsa bele konese malu diak liu tan kona-ba Manajer Diretor foun ne’e nia servisu liu-liu nia background.
“Tanba uluk nia sei iha Papua Nugini, nia kaer LNG iha ne’eba fo benefisiu maka’as iha nasaun ne’eba, maibe ita nia komitmentu mak ne’e hakarak ka lakohi kadoras mai Timor-leste e Woodside rona deit ita,” SE Pires afirma.
“Ita halo estudus lubuk ida ona ne’ebe hatudu katak kompania sei la lakon osan ,e Timor nia pozisaun mak ne’e ona,”nia optimista.
Tuir nia, TL nudar na’in ba Greater Sunrise kontinua koalia ho Australia atu desidi hodi dada kadoras mai Timor.
“Solusaun klaran mak ida hetan tiha ona ,ida seluk mos tenki hetan atu nune’e justisa social no justisa saida deit ita presiza,”nia katak.
Entretantu bainhira husu komentariu husi Manajer Diretor CEO-Woodside Peter Coleman kona-ba asuntu ne’e maibe nia parte lakohi fo komentariu.
