“Ami halo proposta no hato’o ona ba iha boot sira desde 2008, maibe to’o agora laiha rezultadu e ami labele halo buat ida tanba orsamentu,” hateten Staf Senior Trafiku DNTT, Joao Eugenio C.da Silva semana kotuk iha Balide, Dili.
Tuir nia, terminal ne’e hetan estragus iha krizi military 2006 e to’o agora seidauk bele hadia tanba laiha orsamentu.
Entretantu Prezidenti Komisaun G Parlamentar, Pedro da Costa Martires, hateten orsamentu 2011 ne’ebe mak parlamentu aprova, la iha orsamentu ida aloka ba terminal sira.
“Iha duni intensaun atu hadia terminais sira hanesan terminal Becora, Taibesi no terminal Tasi-tolu, tanba kareta sira ne’ebe ke mai husi distritu tama liu iha Dili laran no halo engrafamentu sidade laran maibé Parlamentu seidauk tau orsamentu ba terminal sira ne’e,” nia dehan.
Alende ne’e tuir Deputada Tereza Amaral husi bankada ASDT, hateten terminal hotu kuaze ke laiha kondisaun ne’ebe diak atu kareta sir abele para iha ne’eba.
“Tanba altura ami aprova osan ne’e atu hare ba buat hotu hanesan ne’e maibé agora sira dehan osan la iha fali osan, ne’e oinsa,” Deputada ne’e preokupa.
Entretantu bainhira jornalista koko konfirma asuntu ne’e ba iha Ministeriu Infrastrutura maibé la konsege tanba okupadu.
