Tribunal Munisipal Dili (TMD) hala’o julgamentu kona ba kazu krimi integridade simples ho forma violensia domestika ne’ebe involve arguido BL (maun) basa lezada SF (alin) tanba revolta arguido nia fen (kunhada).
Bazea ba akuzasaun husi Ministeriu public ne’ebe lee sai husi juis president, katak iha fulan abril 2014 oras tuku 8 dadersan, arguidu nia fen buka sapatu atu tau ba servisu, iha altura ne’eba arguido nia fen haruka nia oan feto tama ba lezada SF nia kuartu hodi buka sapatu ne’e, no momentu ne’eba sapatu ne’ebe arguido nia fen buka iha duni lezada nia kuartu laran.
Ho ida ne’e arguido nia fen dehan ba lezada sei kaundu atu tau nia (arguido nia fen) sasan tenke husu lisensa labele foti deit hanesan ne’e, maibe lezada hatan ba arguido nia fen katak lezada la uza arguido nia fen nia sasan.
Arguido nia fen la simu tanba sei wainhira lezada la uza tanba sa sepatu ne’e bele iha lezada nia kuartu laran, lezada ho arguido nia fen hakseuk malu, no hakilar malu hamosu situasaun ne’ebe barolhu hodi konvida visinhu sira dadersan deit mai hafuu no hakbesik mai iha arguido sira nia uma hodi rona saida mak akontese, tanba senti moe arguido hakilar ba lezada no nia fen hodi nonok, hodi tama ba lezada nia kuartu hodi basa lezada, no tebe lezada.
Hafoin hetan baku lezada halai kedas ba lezada nia tian iha vilaverde, tanba la simu ho asaun nebe arguido halo ba lezada, lezada nia tian lori lezada ba polisia hodi hato’o kazu ne’e.
Hafoin lee akuzasaun hirak ne’e juis president husu ba arguido atu hili kolia ou nonok maibe arguido hili atu kolia hodi dehan tuir lolos arguido laiha intensaun atu baku, maibe iha altura ne’eba arguido nia fen lakoi nonok, lezada mos lakoi nonok, arguido atu baku duni arguido nia fen.
Maibe iha altura ne’eba arguido nia fen iha kondisaun moras hela, entaun arguido tama ba lezada nia kuartu hodi dehan haruka nonok maibe lezada ladauk nonok, entaun arguido senti nervosu hodi baku lezada.
“Hau haruka nonok lakoi hotu, entaun hau baku hau nia alin, maibe basa bosok deit par nia tauk hodi nonok,” Argujdo hateten.
Maibe nia dehan, semana ida hafoin akontesementu arguido ba buka fali lezada hodi husu diskulpa no lori fali lezada hodi ba hela ho arguido.
Hafoin rona tiha deklarasaun husi arguido, juis president fo pena prizaun tinan ida no suspende ba tinan rua, wainhira arguido halo tan hahalok hanesan sei tama deretamente ba prizaun.
