Polisia Nasional Tranzito (POLTRANS) sita tan kareta estadu 21 no motor estadu 12, tanba membru governu uja kareta hirak ne’e nesesidade privadu nian.
Komandante Polisia Nasional Tranzito, Inspektor Xefe Antonio L.C. Soares, hateten husi kareta no motor estadu ne’ebe sira prende, iha mos kareta no motor ne’ebe laiha dokumentus hamutuk 19.
“Kareta no motor sira ne’e sira uja ba loja, balun ba pasiar tula ho familia,” Komandante Soares hateten, iha Kaikoli, Dili.
Nia informa, POLTRANS operasaun hirak ne’e halo kada fulan dala rua, no fatin operasaun sira ne’e troka –troka.
“Dala ruma iha Tasi tolu, Becora no balun iha fali fatin seluk,” nia hateten.
Enkuantu Prezidente Komisaun B (defeza, seguransa no negosiu estranjeirus), Deputadu David Diaz Ximenes, nia parte apoia tebes inisiativa ida ne’e.
“See la’e sira utiliza sala patromoniu estadu nian,” Deputadu Ximenes apoia.
Iha parte seluk komunidade Manuel Fernandes, hateten dala ruma membru governu uja kareta estadu ne’eba fali tasi ho familia, entaun merese duni POLTRANS sita sira.
“Lei la autoriza sira utiliza kareta estadu ba interese privadu,” nia dehan.
