Fernanda Maria Serra, Koordenadora Klinika Marie Stopes Internasional Timor-Leste (MSITL), dehan metodu ne’e so oferese deit ba inan sira ho idade 36 ba leten ne’ebe iha ona oan nain hitu ba leten ona.
“Ne’e laiha impaktu ne’ebe seriu maibe hanesan operasaun ki’ik ida ba inan sira tanba ne’e depende ba inan sira maibe kuandu kabu kidun moras ne’e buat ida normal ba inan se deit maske la tuir kontrasepsaun,” esplika Koordenadora Klinika MSITL, Fernanda Maria Serra, iha Vila Verde, Dili.
Nia informa, iha fulan rua liu ba kuaze inan feto nain 10 ne’ebe ho idade 36 ba leten vizita klinika MSI hodi husu ajuda halo operasaun hodi kesi oan fatin maibe MSI labele atende tanba seidauk halo akordu ho Ministeriu Saude atu halo operasaun ne’e no sira halo rujukan ba Ospital Nasional Guido Valadares (HNGV).
“Ami seidauk iha legal ida atu ami halo iha ami nia klinika maibe ba future se iha ona legal husi ministeriu saude ami bele halo tanba ami iha ona doutor espesialista kandungan tanba operasaun ne’e so medikus espesialista mak bele halo,” Koordenadora ne’e esklarese.
Iha parte seluk inan ne’ebe lakohi publika nia identidade hateten bainhira partus oan ba dala tolu no da hat nian hetan problema ne’ebe seriu, entaun nia ho nia kaben deside hili metodu kontrasepsaun tubektomik atu labele iha oan tan tanba iha risku ne’ebe bo’ot.
“Hau hanoin depende ba inan sira nia desizaun maibe ba hau metodu ne’e efetivu tebes tanba to’o ohin loron problema ne’ebe seriu ho hau nia kondisaun saúde maibe hanesan ulun moras, kabun kidun moras ne’e normal,” dehan fonts konfirmadu ne’e.
