Membru Komisaun B Parlamentar, Deputadu Cesar Valente da Costa hateten ida ne’e papel Polisia Tranzitu nia hodi halo sosializasaun ba iha kondutor sira kona ba lina zebra cross ne’e.
“Ha’u hanoin presiza sosializasaun, atu hotu-hotu iha oportunidade para ir abel garante katak seguru, hala’i iha ir abe ne’e la’o ho di’ak,” dehan Deputadu Cesar Valente da Costa, (08/02), iha Parlamentu Nasional.
Entretantu Estudante Nelson Ribeiro dehan kondutor barak mak la para bainhira ema la’o aih liu iha lina ne’e e ida ne’e fo impaktu la diak bele soke.
“Ha’u haree iha kondutores publiku no privadu halai tuir sira nia hakarak de’it, ita hakat ba dalan seluk ladi’ak hein fali sira se la’e hakilar mak sira para, se bele polísia toma atensaun ba ida ne’e tanba ir abele hakotu ema nia vida,” Estudante Ribeiro preokupa.
Hatan ba kestaun ne’e Komandante Polisia Tránzitu Nasional, Inspector Xefe António Soares katak sira servisu hamutuk ho Diresaun Nasional Transporte e Terestres (DNTT) halo ona sosializasaun ba iha kondutores sira tantu iha nasional no iha distritus sira.
Nia dehan, kuandu iha motorist balun la kumpri no sira la para maske ema atravesa mak sei hetan sansaun tuir lei tranzitu nian iha artigu 4.
“Bainhira sira selu multa hotu, ami sei esplika ba sira kona-ba zebra cross oinsa ema liu ou kareta sira ne’e atu nune’e sira bele kompriende di’ak liu tan no tuir lei ema ne’ebe kontra no multa liu dala tolu obrigadu kansela sim ou dokumentus,” Komandante Tránzitu ne’e esplika.
Tanba ne’e nia apela ba kondutores motorizadas ne’ebé mak sirkula iha Dili laran tenke respeitu lei, estradas, sinais tránzitu ne’ebé mak koloka ona iha públiku atu nune’e bele redus númeru asidente iha nasaun doben ida ne’e.
