“Makina sira ne’e mai karik sei tau lai provizoriamente ba fatin ne’ebe mak seguru, depois konstrusaun sentral ne’e remata mak foin tau ba nia fatin,” hateten Prezidente Komisaun G Parlamentar, Deputadu Pedro da Costa, iha Uma Fukun, Dili.
Iha sorin seluk Deputadu Adriano Joao katak, iha fulan kotuk Deputadu hamutuk nain hat mak halo espesaun ba makina walu ne’e iha Italia.
“Makina Wartsila ne’e walu iha neba pronto tiha ona,tuir informasaun husi diretor Warsila naton ami ba ne’e makina sira ne’e sai husi ne’eba fulan Junu to’o mai iha Timor fulan Agostu,” Deputado PD ne’e informa.
Tuir nia, makina walu ne’e ho kualidade diak tanba nasaun barak mak sosa no uza ona makina ne’e iha Italia ne’eba.
“Naton ami ba ne’e ami nain hat mak hanesan deputada bankada CNRT Virgina Ana Belo, husi bankada ASDT Francisco de Araujo, deputadu Ozorio Florindo husi Fretilin no husi Partidu Demokratiku hau rasik, Xefe EDTL Hera ninian, inklui mos Jornalista nain rua,” Deputadu ne’e katak.
