Tuir Xefe Seksaun Diresaun Reinsersaun Sosial Distritu Oe-Cusse, Gaspar Lonae dehan ho programa ne’e bele ajuda labarik sira ne’ebe husi familia kbi’it la’ek, atu sira mos bele asesu ba edukasaun.
“Labarik no familia kbi’it la’ek ne’ebé mak kosege identifka liu husi prosesu hodi sai benefisariu ba programa bolsa da mae iha Sub Distritu Pasabe iha 65, Oe-Silo 175, Nitibe iha 168 no Sub-distritu Pante Makasar 381, total maka 789 pesoas, e sei selu tuir pakote ida $ 60, pakote II hetan $129 no pakote ikus $188,” hateten Xefe Seksaun Lonae, semana kotuk, iha nia knar fatin Santa Rosa, Oe-Cusse.
Entertantu benefesiariu Joao Sufa, senti kontente tanba ho tulun ida bele hakma’an sira nia todan, liu-liu kona ba neseidade eskola nian.
“Hau pesoalmente kontente ho programa ida ne’e, tanba hau bele sosa livru, lapijeira, farda no nesesidade seluk,” dehan Estudante Sufa ho kontente.
Nia mos sujere karik bele prosesu selu ne’e halo kada fulan la bele rai hamutuk to’o fulan maka selu, “tanba ita nia nesesidade la hein to’o fulan, lor-loron deit,”.
Sentementu hanesan hato’o mos husi inan Jasinta Bait katak, ho programa ne’e bele hakma’an inan-aman sira nia todan, atu haruka oan sira ba eskola.
