Tanba ne’e parte Obras Publiku Diresaun Estradas Ponte Kontrol husu ba komunidade sira atu labele so’e aqua mamuk iha baleta kuak, liu-liu iha ponte Maloa nian ne’ebe maske governu hadia tiha ona maibe bee kontinua sa’e bainhira udan.
“Saluran ne’ebe maka iha ponte Maloa tun mai iha Palacio Prezidente nian ne’eba ne’e, ami iha ona planu atu hamos maibe impactu ba ami maka komunidade sempre so’e aqua mamuk iha baleta, kuandu udan bee la’o ladiak, tenke iha kebersihan,” hateten Jose Agusto Freitas, nudar Senior Engineer Desain Estrada, (23/05), iha nia knar fatin Mandarin, Dili.
Tuir nia, Obras Public Diresaun Estradas Ponte Control, iha ona planu atu oinsa mak bele halo manutensaun ba bee dalan hirak ne’e ho rutina.
“Ami tau ona osan oituan iha tinan ida ne’e para bele halo manutensaun rutina ba drainagen sira ne’e, hanesan saluran bee dalan iha maloa nian ne’e no seluk-seluk tan,” dehan Desainer Freitas.
Entertantu Membru Parlamentu Nasional, Deputada Teresa de Carvalho, dehan asuntu ne’e dala barak sira kestiona maibe laiha reasaun ne’ebe maka diak ba dirasaun kompetente.
“Ministeriu kompetente tenke tau atensaun wainhira halo Estrada, presiza hadia mos bee dalan sira para bee halai tuir nia dalan,” sujere Deputada de Carvalho.
