Rejultadu fiskalizasaun ne¬be mak membru Parlamentu Nacional (NP) Komissaun #, Deputado Adriano do Nascimento, PD, halo iha Distritu Bobonaro, Subdistritu Lolotoe, nota katak oras ne’e dadauk eletrisidade iha area ne’eba la bele funsiona ho diak tanba mina la iha.
“Osan ne’ebe ita aprova ona, kompra ona [mina] dadauk ba atu nune’e lori ba iha neba,” hateten Deputadu do Nasimentu, iha Plenaria PN semana kotuk (9/01).
Entertantu Deputadu Independenti Mateus de Jesus hatutan tan katak nia mos hetan informasaun husi komunidade Lolotoe.
“Ahi Lolotoe ninia hau la kohi repete ona tanba sira mos fo informasaun ba hau katak, ahi ne’e mate kuaze semana ida resin tiha ona sidauk moris fila fali,” dehan Deputado Mateus.
Iha fatin hanesan Deputada Ana Bela, CNRT hateten katak, eletrisidade Lolotoe mate tanba impaktu husi estrada mak mina to’o agora seidauk lori ba iha ne’eba.
“Tanba kondisaun dalan Maliana ba Lolotoe aat tebe-tebes, tanba ida ne’e mak ate agora sira seidauk lori ba,” dehan Deputada Bela.
Alende ne’e Prezidenti Komisaun G, Pedro da Costa, ne’ebe trata assuntu Infrastrutura katak ahi Lolotoe wainhira atu lakan normal presiza tan Sentral Eletrika Betano ne’ebe mak halo dadauk ne’e.
“Jestaun fornesementu konbustivel ba iha ne’eba mak adavez atrazadu, maibe ami mos kritika bebeik ba jestaun ne’ebe fornese eletrisidade ba iha sentral eletrika iha Kosta Sul ne’eba tenki ser halo para atu garante eletrisidade lakan vinte kuatru horas,” informa Deputado da Costa.
