Deputado Pedro da Costa, CNRT, Prezident Komisaun G, ne’ebe trata kona ba assuntu infrastrutura, hateten katak airin bo’ot eletrisidade enfeita hanesan arvore Natal nian ne’ebe mak horas ne’e dadauk hamrik hela iha Palacio Governu nia oin hanesan simbolu susesu ba Eletrisidade ninian iha tinan 2011 foin liu ba.
“Ida ne’e simboliza deit ita nia susesu ne’eb ke iha 2011 ninian konaba eletrisidade,” hateten Deputadu da Costa, iha Parlamentu Nasional, Dili, semana kotuk (9/01).
Deputado da Costa dehan tan katak airin ne’e halo simbolika deit maibe wainhira nia tempu ona bele sobu fila fali hodi tau fali nia fatin.
“Ne’eba provizoriu deit atu simboliza ita nia susesu ba eletrisidade 2011 ninian maske buat barak ita sei halo tan.”
Iha fatin hanesan Deputdu Mateus de Jesus hateten katak nia seidauk hatene los konaba airin bo’ot ne’ebe hamrik iha Palacio oin ne’e tanba ida ne’e tekniku ninian.
“Hau mos seidauk apar buat ne’e tanba hau mos foin liu mak hare ne’eba maibe hau seidauk konfirma didiak ba iha infrastrutura ba parte eletriku ninian.”
