Kompensasaun ka indeminizasaun ba rai komunidade ne’ebe Estadu hakarak uza seidauk bele implelenta iha Timor-Leste tanba Lei Kompensasaun ba Rai seidauk aprova hosi Parlamentu Nasional.
“Kompesasau ne’e seidauk implementa tamba Parlamentu rasik seidasuk aprova Lei ne’ebe Governo haruka ona ba Parlamentu Nasional atu aprova ne’e,” hateten Ministra da Justisa (MJ), Lucia Brandão Lobato, foin lalais (23/11) iha Uma fukun Parlamentu Nasional, Dili.
Tuir MJ Lobato kompesasaun Governo seidauk bele halo tamba tenki hein Parlamentu Nasional aprova lei atu fo kompesasaun no indiminizasaun ba ema nia rai ne’ebe governu atu uza.
“Hau hanoin lei ne’e seidauk iha, Governo sei labele halo konforme hakarak deit tamba ne’e presiza halo lei ba rai ne’e para bele implementa ho fo indiminizasaun no kompesasaun ba komunidade sira,” hatutan tan MJ Lobato.
Entertantu Deputadu Domingos Sarmentu, FRETILIN, hateten kona ba kompesasaun nia husu ba governu atu klarifika kompesasaun ba rai komunidade ne’ebe estadu uza.
“Hau hakarak husu klarifikasaun ida husi Governo iha fundu kontizensia ne’e orsamentu ruma ne’ebe Governo bele konsidera ba kompesasaun ka lae? Se la iha kompesasaun entao lalika tau osan ba kompesasaun,” Deputadu Domingos husu.
