Tuir Diretora Jeral UNESCO, Irina Bokova hateten alfabetizasaun mak hanesan aselerador ba prosesu dezenvolvementu no forsa ba paz.
“Tanba ne’e hau husu ba governu, organizasaun internasional sira, sosiedade sivil no setor privadu hodi transforma alfabetizasaun ba proriedade politika nune’e ema hotu bele dezenvolve ninia potensialidade no partisipa hodi hadia liu tan sosiedade ne’ebe sustentavel no pasifiku,” sujere Irina Bokova, semana kotuk (08/09) bainhira partisipa iha selebrasaun loron alfabetizasaun iha salaun SKB Vila verde,Dili.
Tuir nia, programa alfabetizasaun importante ba paz tanba fo benefesio barak ba ambiente kultura, sosial , politika no ekonomia ema nian.
“Laiha pais ida mak hakarak estabelese kondisaun paz rohan la’ek se la liu husi dalan ida ne’ebe hari konfiansa mutua entre sidadaun sira liu husi sistema educasaun eskluziva mak promove komprensaun mutua respeita toleransia no dialogu,”nia dehan.
Tuir nia,importante mak tenki integra alfabetizasaun iha prosesu konstrusaun ba paz nune’e bele hari fini ba paz liu husi hala’o dialogu no rekonsiliasaun , no fo ba jovens sira no adultu sira abilidade ne’ebe sira presiza hodi bele hetan empregu ne’ebe diak.
“Alfabetizasaun hanesan komponente xave ba estratejia hodi promove dezenvolvimentu sustentavel no paz,ne’e hanesan asuntu prinsipal hodi alkansa educasaun ba ema hotu no objectivo ba dezenvolvimentu Milenium nian,”nia katak.
Entretantu tuir Diretor Nasional Edukasaun ba Adultus no Ensino Non Formal, Filomeno Lurdes dos Reis, katak atu kria paz la’os mai husi ema seluk maibe mai husi ema ida-idak nia fuan laran.
“Hau sei hanoin liafuan Amo Papa Bento XVI nian katak se hakarak atu kria paz tenke ita rasik mak kria nune’e it abele sente katak ita moris duni iha paz,” nia dehan.
