Reprezentante feto defisiente sira iha Timor-Leste konsidera SEPI halo diskriminasaun, tanba la involve sira iha komemorasaun loron nasional no internasional feto nian ne’ebe kada tinan sempre selebra.
Mira Maya, defisiente ida husi Grupu Defisiente Hadomi Timor Oan Dili ne’e preokupa tebes tanba nudar feto maske ho kondisaun la normal maibe sira mos iha direitu atu partisipa iha kualker loron bo’ot ruma.
“Ami defisiente ne’e iha direitu ka la’e hanesan ami nia maluk feto sira normal tanba tinan-tinan SEPI nia programa hala’o hela deit mas nunka involve ami iha laran ne’e tanba saida,” Defisiente Maya kestiona, (22/05), iha Kaikoli, Dili.
Tanba ne’e nia husu ba Sekretaria Estadu ba Promosaun Igualidade (SEPI), ba oin atu involve mos feto defisiente sira iha atividades hotu ne’ebe iha hodi komemora loron feto nian.
Entretantu Xefe Departementu Peskiza SEPI, Hermino Xavier rekonese katak, durante ne’e sira seidauk involve feto defisiente sira iha atividades ne’ebe sira hala’o.
“Mas ami laiha intensaun atu halo diskriminasaun ba ita bo’ot sira e ami husu deskulpa e ba oin ami sei tau hamutuk iha politika ho ema defisiente sira,” Xefe Xavier promote.
