“Ita halo hela politika konaba futuru produsaun de Energia, ”hateten Sekretariu Estadu SEPE Avelino Coelio iha Parlamentu Nasional, Dili, semana kotuk (21/10).
SE Coelho hateten katak iha OJE 2012 ne’e mos atu halo kontinuasaun ba politika nebe mak nia sekretaria halao tiha ona.
“Planu eletrifikasaun rural, ita hatene katak, mesmo redi eletriku prontu haleu Timor ona, maibe iha distritu no subdistritus ita iha familias rihun resin mak sei la hetan Eletrisidade.”
Nia haktuir katak Politika Eletrifikasaun ne’e atu responde ba komunidade sira balun nebe mak sei la hetan eletrisidade iha Tinan Lima to’o tinan sanulu, mesmo redi eletrisidade prontu ona.
“Orsamentu agora tun liu, iha 2010 ami ba iha eletrifikasaun rural ba $4 Mil familias, iha 2011ami ba iha $1 Mil trezentas familias, agora ida ne’e ba dujentas familias,” hateten SE Coelho.
Kona ba assuntu ne’e Deputadu Adriano Joao membru komisaun D hateten katak, iha semana kotuk komisaun D halo ona audiensia ho Sekretariu estadu Politika I energetika,maibe orsamentu jeral do Estadu 2012 ba iha Aekretariu Estadu Politika Energetika, halai liu ba Solar sel ninian.
“Halo komparasaun orsamentu jeral ba tinan uluk, tinan ne’e redus, enkuantu proposta nebe hatama husi komunidade iha Cinquenta e Nove mil [59],” hateten Deputadu Joao.
Nia hatutan tan katak, OJE ba Tinan ne’e focus liu ba iha Ministeriu Infrastrutura, no mos ba Eleisaun 2012 nian.
“Ami komisaun nia fiskalijasaun nebe tun ba iha baze, buat barak mak lao,maibe barak mak sei presija hadia,” nia dehan .
Deputadu JOao esplika katak, ejekusaun OJE 2011, atinji ona 94 pursentu, hela deit seis pursentu atu ejekuta hotu iha tempu badak nia laran.
