Atu redus volume utilizasaun ai-maran iha uma kain, Sekretario Estado Meu Ambiente (SEMA) fahe fogaun Timor gratuita ba komunidade.
Tuir Diretur Jeral SEMA João Carlos Soares hateten programa fahe fogaun Timor ba komunidade hanesan meus ida atu minimize atividade tesi ai tanba movimentu tesi ai as tanba ejijensia merkadu.
Alende fahe fugaun gratuita ba komunidade, sira mos foin sensivu ba grupo sira atu kuda fila fali ai-oan iha fatin sira ne’ebe risku tanba movimentu tesi ai as.
“Ami fahe gratuita ba ema sira ne’ebe asesu sunu aibarak liu atu sira bele minimizaai-maran tanba fugaun ne’e la uza aibarak,” dehan DJ Carlos iha servisu fatin Bebora Dili.
Nia haktuir programa fahe fugaun gratuita ne’e servisu hamutuk ho kompania Mercy Corp ne’ebe lao ona iha distritu nen, Dili, Mantutu, Suai, Oecusse, Aileu, Viqueque no seiba tan distritus seluk. Kada sukus sei hetan 120 fugaun.
Nia hatutan benefisiario ba fugaun ne’e mak uma kain ne’ebe durante ne’e utilize ai maran ho volume ne’ebe bo’ot.
Nia hatutan liu atu proteje area protejidu sira governu iha ona planu atu monta postu provizoriu iha fatin risku sira no iha areas movimentu tesi ai makas hodi bele halo vijilansia 24 oras.
“Komunidade tesi ai barak liu mak Dili liu–liu Camea, Manu meta Rai Hun maibe menus ona tanba implementa ona tara bandu inklui mos Aileu (Laulara),” nia dehan.
Iha parte seluk, komunidade Olinda Sales hateten ne’e meus ne’ebe positive tebes hodi prevene komunidade la bele tesi ai arbiru maibe presiza hare filafalitan ba governu fahe gratuita signifika osan hira mak gasta ona ba programa ida ne’e.
Nia haktuir fugaun ne’e diak tanba uza ai maran ida rua deit bele tein buat barak la presiza uza ai barbarak.
“Sim fugaun ne’e diak bele minimize gastus ba sosa ai maran tanba ami sempre sosa ai maran $1 dolar nian uza loron tolu deit maibe bainhira uza fugaun ne’e bele uza to’o semana,” dehan Nia.
