Ema estranjeiru balun halo falsifikasaun dokumentus sidadania nian, tanba sistema de kontrolu husi governu liu husi Ministeriu Justisa sei fraku tebes.
Ministeriu Justisa, Dionisio Soares Babo, hateten iha sidadaun Korea nian ida konsege halo dokumentu falsu no halo pasaporte Timor-Leste nian.
Nia dehan, sidadaun husi Korea ne’e falsifika dokumentus desde kedas tinan 2004.
“Ita nia sistema sei fraku, seidauk kompletu no verifikasaun mos seidauk los,” Ministru Babo hateten, iha Colmera, Dili.
Tanba ne’e nia dehan, ba future Ministeriu Justisa sei hadia liu tan koneksaun servisu entre parte igreja ne’ebe halo sertidaun babtismu, no nune’e mos dirasaun ne’ebe halo Sertidaun Republika DemokratikuTimor- Leste, atu nune’e evita ema halo dokumentus falsu sidadania.
“Tanba ema sira nebe falsifika sertidaun babtismu, ne’e ita laiha sistema de kontrolu,” dehan Ministru Babo.
Iha parte seluk Deputadu Inasio Moreira, hateten sistema ne’e tenke hadia duni, no ba sira ne’ebe servisu iha parte halo dekomuntus ne’e tenke iha duni responsabilidade, no tenke servisu tuir lei no regulamentu ne’ebe trasa ona.
“Tenke servisu ho honestidade mak diak ,” dehan Deputadu Inasio Moreira iha Parlamentu Nasional, foin lalais.
Nune’e, nia dehan tanba ema estrangeiru ida atu sai hanesan sidadaun Timor-Leste ne’e tenke tuir prosesu ida ke naruk, la’os illegal hanesan ne’e.
