Organizasaun Search For Common Ground, lansa fundus ki’ik ba Dezenvolvementu Sensitive ba Konflitu no Servisu Emprezarial ba Joventude, hanesan projetu demokrasia no dezenvolvementu ba iha asaun dame.
Tuir Diretor Search for Common Ground (SFCG), Francisco de Souza, hateten objetivu husi fundus ki’ik ne’e mak atu fo rekursu ba inisiativu ba dezenvolvementu ne’ebe mak la hamosu konflitu.
“No mos fo apoiu ba inovasaun husi juventude(YEPS) atu hari’I pas ba komunidade,”Diretor SFCG,Francisco de Sousa dehan, iha Tower Fatuhada, Dili.
Alem de ne’e nia dehan, fundus ki’ik ne’e mos koko atu hametin kapasidade grupu alvu sira nian, hanesan dezenu projetu, sistema finansia rekursu humanu no buka fundus.
Diretor ne’e esperansa, katak fundus ki’ik ne’e bele fo benefisiu ba rede prevensaun no responde konflitu ne’ebe mak estabelese husi NGO Belun no bele hamosu asaun konkretu iha komunidade, harii paz no estabilidade.
“Bele mos fo apoia ba inisiativa joven sira nian liu-liu promove partisipasaun joventude iha prosesu dezenvolvementu iha sira nia komunidade, tanba sira rasik mos ajente ba mudansa no ezemplu diak iha familia,” Diretor Sousa katak.
Fundus Dezenvolvementu Sensitivu ba Konflitu ne’e, sei foka liu ba hametin instituisaun, hodi dezenvolve konflitu ne’ebe mak sensitivu liu iha komunidade nia le’et.
Enkuantu fundus Servisu Emprezarial ba Joventude, sei foka liu ba atividade ne’ebe mak hetan lukru, hamosu empregu no hametin sosiedade liu-liu joventude iha area rurais ka remotas.
“Atividade fundus ki’ik rua ne’e, sei hala’o durante fulan ida to’o tinan ida nia laran,” Diretor SFCG ne’e tenik.
Entretantu Diretor Ezekutivu NGO Belun, Luis Ximenes, hateten fundus ki’ik rua ne’e, NGO Belun ho CNJTL mak benefisia liu.
“NGO Belun hetan $50,000, orsamentu ida ne’e atu jere ba iha ho durasaun tinan ida ho balun ba iha rede prevensaun konflitu ne’ebe mak Belun parseria hamutuk,” Diretor Ximenes hato’o.
Nia dehan, husi Belun rasik iha 43 rede prevensaun ba konflitu e sira ne’e mak sei benefisia husi fundus ne’e.
Maibe antes ne’e, nia dehan, sira sei hatama sira nia proposta ba iha ekipa selesaun dokumentus, depois mak foti desizaun.
“Atividades ne’e oi-oin , ida fali mak atividade tau matan liu ba iha prevensaun konflitu no fundus ida fali mak atu responde joventude hare liu ba parte negosiu ka emprezariu,” Diretor Belun ne’e katak.
Iha fatin hanesan Prezidenti Konselho Nasional Joventude (CNJT),Virgilio Hornai hato’o ba rede CNJTL nian iha distritu sira katak,fundus ne’e tenki sosialija ho didiak atu nune’e bele benefisia hotu ba fundu ne’e.
“Hau hanoin ekipa parte husi CNJTL ,parte Serach for Commong Ground tenke auto kriteria sira realistiku depois responde lolos ba realidade timor nia situasaun no nia natureza,”
Hornai hatutan ,metodu uza fundus ne’e tenki razuavel,proporsional no rigorozu atu nune’e bele garante prosesu ne’e ba iha prinsipiu transparansia no ba akontabilidade.
“Iha konselhu nasional hau fo opsaun rua,ida iha istritu sira tenki ekipa ida depos para atu taumatan atu hare deskobre katak,grupu sira ne’e mai duni husi inisiativa ne’ebe mak sira halo garante ba sustentabilidade,”
Tanba Prezidenti CNJTL sujere ba rede CNJTL nia iha distritu uja osan ne’e ho dididiak atu nune’e la bele hamosu fali konflitu iha grupu nia laran.
”Hau rejista hela buat rua iha ne’e,fundu ne’e bele halo sira bele moris iha situasaun ida ba oin kuandu ita bele prepara tuir nia prosesu tomak iha ne’eba,”
Fundus ki’ik ne’e parte CNJTL sei koalia ho admistrador distritu no admistrador subdistritu inklui sefe do suku sira halo sosialija didiak ba programa depois mak introdus prinsipiu programa ne’e rasik.
“Ho ida ne’e it abele dehan,atividade ne’e mesmo ke ema grupu oan deit mak hetan mais prosesu ne’e transparante,metodu ne’ebe mak ita uja ne’e ho diak,” nia katak.
Hornai esperansa katak, fundus ki’ik ne’e sei la kria konflitu iha grupu nia laran maibe sei fo benefisia ba joventude sira.
