Ministeriu Edukasaun kolabora ho NGO Plan Internasional fo formasaun ba professor 30 husi distritu tolu iha edukasaun inklusivu nian.
Reprezentante Plan Internasional Timor-Leste, Amandio Sarmento, hateten formasaun ida ne’e hanesan pilotu ne’ebe sei fob a professor 30 husi distritu Aileu, Lospalos no distritu Dili.
“Iha tinan oin mai sei kontinua fo formasaun ba professor 100 tan,” Amandio Sarmento dehan, iha Dili.
Profesor 30 ne’e wainhira remata sira nia formasaun sei implementa programa ne’e ba iha sira nia distritu rasik.
“Sira nain 30 ne’ebe mak atu tuir formasaun ne’e inspector no professor da turma sira,”Sarmento informa.
Entretantu Diretor Nasional Ensino Baziku Ministeriu Edukasaun, Alfredo Araujo, hateten edukasaun inklusivu ne’e mai husi politika Ministeriu Eduaksaun nian ba ema hotu ne’ebe defisiente ho idade eskolar.
Araujo hateten, politika ida ne’e estimula kedas iha planu estrajiku nasional no mos iha Lei Baze de Edukasaun.
“Lei ida ne’e mak fo dalan atu fasilita ba sira ne’ebe defisiensia atu bele direitu ba asesu edukasaun hanesan mos sira seluk,”Diretor ne’e esplika.
Nia dehan, atu atinji meta ida ne’e la fasil atu implementa direita ba defisiensia sira hodi junta hamutuk ho kondisaun ne’ebe normal.
Tanba ne’e presiza treinamentu ne’ebe diak para profesor sira ne’ebe diak atu hanorin iha sala laran.
“Sira hanesan defisiensia iha ain no liman nia matan bele hare nia bele rona mais sira ne’ebe kondisoens matan at ladun hare ne’e tenke uja maneira siensia (sience language) ida ne’e,” Diretor Araujo hato’o.
Atu uja maneira ida ne’e ba defisiennsia sira presiza kapasita professor sira atu nune’e bele iha abilidade hodi transforma.
“Ita foin pilotu(uji coba) ita koko uluk iha distritu tolu ne’e depois mak ita ba tan distritu sira seluk ne’ebe mak seidauk,”Araujo dehan.
Treinamentu ba professor 30 ne’e sei hahu iha loron 14 to’o 18 Outubru 2013 durante semana ida nia laran.
Iha sorin seluk defisiente Agosto Pereira, katak maske matan mak delek maibe neon no hanoin hanesan ho ema normal sira.
“Hau hakarak kontribui ba buat ruma hodi halo ba dezenbolvimentu iha ita nia rai ida ne’e,”Pereira dehan.
Defisiente ne’e hateten,programa edukasaun inklusivu ida ne’e hanesan fo naroman ba sira ba iha futuru.
