Jose Cristovão Pires, nudar residente komunidade iha Tasi-tolu, Dili, sentin triste tanba kuru be’e distansia ne’ebe do’ok no maske ejizensia ne’e hato’o dala barak ona ba Governu, liu-liu parte Sentru Aguas no Saneamentu (SAS) maibe sira nafatin la asesu nafatin ba be’e mos.
“Hau sente kole, isin moras, triste wainhira kuru be’e ho distansia ne’ebe do’ok. Dala ruma atu ba servisu ka alin balu atu ba eskola mos tarde no halo atividade mos ladi’ak,” hateten Sr. Pires, iha nia  hela fatin Tasi-tolu, semana kotuk (22/9).
Nia hatutan liu katak rezidentes iha nia bairo hato’o prekupasaun ne’e dala barak ona tan ne’e husu ba ukun nain sira tau matan ba povu ki’ik sira.
“Ami mos husu ba governu atu bele tau matan mai ami nia difikuldade ne’ebe mak ami hasoru, tanba ami mos povu ba rai ida ne’e nian. Labele presiza de’it ami wainhira tempu eleisaun, maibe hare’e mos ami nia terus,” tenik Sr. Pires.

Leia mais...

Relasiona ho kondisaun terminal Becora ne’ebe klo’ot, tuir planu terminal ne’e sei muda ba iha Hera, nune’e bis sira husi diresaun leste nian bele hetan fatin atu para.
Tuir Xefe Interino Diresaun Nasional Transporte e Terestres (DNTT) Abel da Conceiçao katak nia parte hato’o ona planu ne’e ba iha governu maibe to’o agora seidauk iha resposta.
“Ami nia planu tinan rua liu tan tiha ona atu tama tan tinan tolu katak terminal Becora la iha ona fatin atu  halo terminal antar kota( transportes inter urbanus),” hateten Abel da Consencao , semana kotuk (23/09) iha Balide,Dili.
Tuir planu, terminal ne’e sei hola fatin iha sentru oliu pezadu nia kotuk kedas.

Leia mais...

Membru Parlamentu Nasional lamenta ho kanselamentu eleisaun jeral 2012 ne’ebe sei hala’o ba sidadaun sira ne’ebe hela iha estranjeiru tanba parte rua Parlamentu no Sekretariadu Tekniku Administrasaun Eleitoral (STAE) konkorda ona hodi halo eleisaun iha liur.
“Ministru ho nia Diretor tur iha ne’e sira simu, katak bainhira Parlamentu aprova tiha lei eleitoral, sidadaun Timor-leste ne’ebe hela iha estranjeiru bele tuir votasaun maibe agora sira kansela, tanba sa?,”kestiona Deputadu Francisco Jeronimo, semana kotuk (27/09) iha Uma Fukun,Dili.

Leia mais...

Atu  hare no konese diak liu tan fatin historiku hodi sulan prizioneirus politikus sira durante 24 anos nia laran, membru Asembleia Parlamentar Komunidade Paizes da Lingua Portugues (AP-CPLP) halo vizita ba CAVR Balide,Dili.
Tuir Diretor CAVR/CVA Agostinho de Vasconçelho katak objetivu principal husi vizita ida ne’e mak atu sira iha konesementu diak liu tan kona-ba prosesu luta Timor nian durante 24 anos nia laran to’o hetan ukun rasik aan.
“Tanba ita bo’ot sira hatene katak,fatin ida ne’e parte ida luta desde Portugues nia tempu fatin ne’e sai hanesan kadea ba ema prizoneirus politikus,” hateten Diretor Agostinho de Vasconçelho,semana kotuk (20/09) hafoin simu vizita husi membru Asembleia Parlamentar CPLP nian, Balide,Dili.

Leia mais...