SEFOPE aloka U$ 199.456,00 ba sentru formasaun 13 iha TL

Publika iha: 06 Julho 2011

Autor: Ezequiel Freitas, TDW

SE Bendito Freitas assina MOU atu suporta orsamentu ba Sentru Formasaun iha Distritus 13 teritorio laran. Atu hasa’e liu tan kapasidade joventude sira ne’ebe seidauk hetan servisu, Sekretariu Estadu Formasaun Profesional e Empregu (SEFOPE), aloka tan orsamentu ho montante $199.456,00 ba Sentru Formasaun sira iha distritu hotu.
“Apoiu ida ne’e atu kapasita juventude sai professional, sai konfiante para aban bainrua bele integra ba iha merkadu servisu ho tan komersiante,”hateten SE.Bendito Freitas, semana kotuk hafoin asina nota intendementu governu ho sentru formasaun sira, iha Balide,Dili.

MTCI prende makina slot 20 husi komunidade Xineza

Publika iha: 05 Julho 2011

Autor: Napoliao Xavier, TDW

Makina slot machine ne’ebe MTCI kaer iha komunidade Xineza nia le’et iha fula hirak liu ba tanba tuir lei jogus hirak ne’e ilegal iha Timor-Leste. Ministerio Turismu Komersiu e Industria (MTCI) liu husi Inspesaun Jeral de Jogus, prende makina slot 20 husi komuninidade Xineza, tanba hala’o jogus illegal ne’ebe kontra dekretu lei numeru 6 /2009.

“Jogu ne’e bandu, e governu sei la autoriza, tanba ami sita makina slot 20 inklui makina machon 2 ne’ebe oras ne’e iha hela polisia hodi submete ba iha prosesu investigasaun,” hateten Inspektor Jeral de Jogus, Miguel Lobato, semana kotuku iha Mandarin, Dili.