Hafoin iha plenaria Parlamentu Nasional, Membru Parlamentu Bankada PSD sujere ba meja parlamentu atu tau osan ba Deputadu Indepedente Mateus de Jesus hodi halao tratamentu saude segunda faze iha estranjeiru tanba Deputadu ne’e atu ba halo tratamentu nia saude maibe osan la iha.
“Hau hare Sr. Deputadu independent nia iha ne’e ativu tebe-tebes iha parlamentu nia fo nia kontribuisaun tomak ba parlamentu ne’e,” hateten Deputadu Agostu Tara, PSD, iha plenaria PN, semana kotuk (13/12).

Deputado Tara hateten Deputadu Mateus atu halo tratamentu saude ba iha estranjeiru maibe orsamentu la iha atu desloka.
“Tanba ne’e mak hau husu parlamentu ne’e tuir hau rona dehan osan husi bens no servisu nian 3 Miloens la halo buat ida I neba sei fila fali ba banku. Hau hanoin bele karik parlamentu ne’e rezolve tok, bele hasai osan ida ne’e para bele nia halo tratamentu nia saude iha liur atu nune’e nia bele rekopera fila fali nia saude,” hakuir Deputadu Tara.

Leia mais...

Tuir Vise Prezident Parlamentu Nasional, Deputada Maria Paixao, partidus politiku sira wainhira tuir Eleisaun 2012 mak la hetan liu pursentu tolu asentu parlamentar nia tenki disolve nia aan ou hakarak kontinua moris sei Governu la fo tan subsidiu.

“Governu ou Estadu fo rekonhese ba sira nebe kadeira iha Parlamentu Nasional,” hateten Vise Prezidente PN Paixao, semana kotuk (10/12), iha PN, Dili.
Vise Prezidente Paixao hateten razaun katak wainhira partidu la manan eleisaun mak Governu fo ajuda ba sira mak ema bele loke partidu hanesan kios.
“Ne’eduni Estadu tau barreira ida, tau 3 pursentu para atu bele hare partidu sira nebe asentu iha Parlamentu.”

Leia mais...

Secretaria Estado Meio Ambiente hamutuk ho Ministerio Economia e Dezenvolvimentu halao workshop hodi promove no hasa’e kapasidade Ministerios, Governo, no stakeholders sira selu hotu kona ba mekanismo Dezenvolvimentu Mos no mos estabelesimentu Autoridade Dizignada Nasional (DNA) ne’ebe hanesan rekerementu hodi bele asesu ba mekanismo kredito karbono [carbon credit].

“Workshop ne’e koalia kona ba knar stakeholder sira iha siklo mekanismo Dezenvolvimento Mos no mos introdus mos aspetu xave sira husi inisiativa no viabilidade projecto siklo mekanismo Dezenvolvimento Mos,” hateten Assessor Nasional, SE Meio Amiente, Diametrio Do Amaral De Carvalho, semana kotuk (15/12), iha Hotel Timor, Dili.

Leia mais...

Relasiona Lei Reparasaun ba Vitima ne’ebe Komisaun Akoliamentu Verdade e Rekonsialiasaun (CAVR) uluk hato’o tiha ona ba Parlamentu National iha 2010 to’o horas ne’e seidauk diskuti atu aprova no ida ne’e halo familiares sira hosi vitima Loron Invazaun 7 de Dejembru 1975 konsidera PN budu ona Lei ne’e.

“Lei rua nebe mak ate agora parlamentu budu hela, to’o agora mak parlamentu hare liu konaba lei Veteranus da Rezistensia,” hateten Atai Monis Reprejentante Grupu 10 Junhu 1980, Trajedia Marabia, durante aksaun komemorativa ba Loron 7 Dezembru ne’ebe halao iha Jardin 5 de Maiu, Dili, iha semana kotuk (7/12).
Tuir Monis katak tuir los parlamentu nasional tau preoridade liu lei ne’e tanba veteranus ema ne’ebe sei moris hela.

Leia mais...