- Publika iha: 07 Outubro 2011
Relasiona ho kondisaun terminal Becora ne’ebe klo’ot, tuir planu terminal ne’e sei muda ba iha Hera, nune’e bis sira husi diresaun leste nian bele hetan fatin atu para.
Tuir Xefe Interino Diresaun Nasional Transporte e Terestres (DNTT) Abel da Conceiçao katak nia parte hato’o ona planu ne’e ba iha governu maibe to’o agora seidauk iha resposta.
“Ami nia planu tinan rua liu tan tiha ona atu tama tan tinan tolu katak terminal Becora la iha ona fatin atu halo terminal antar kota( transportes inter urbanus),” hateten Abel da Consencao , semana kotuk (23/09) iha Balide,Dili.
Tuir planu, terminal ne’e sei hola fatin iha sentru oliu pezadu nia kotuk kedas.
“Ami aprezenta ona ami nia planu ba iha Governu ona maibe tanba sa mak labele realija, “Abel preokupa.
Tuir Abel katak diresaun nasional nia kompetensia mak atu halo aprejentasaun planu ba iha Governu,depois Governu mak implementa .
“Bis para iha Lesidere diak liutan du ke para iha Terminal Becora kuak ba kuak mai tanba kondisaun la diak,”Abel dehan.
Entertantu kondutor bis Lospalos nian Mau-Ma Claudio da Silva ,hateten sira labele para iha Terminal Becora tanba kondisaun terminal Becora klo’ot.
“Ami durante ne’e para de’it iha tasi ibun Lesidere sira ne’e tanba fatin klo’ot liu “nia dehan.
Tuir nia, durante ne’e sira deskansa deit iha Lisedere no mos buka penumpang nakonu ba liu deit la para tan iha terminal Becora.
Entertantu tuir Deputadu Faustino dos Santos alias Renan Selak sublina katak, Bis Lospalos la para iha terminal tanba hare ba kondisoens ekonomia povu nian.
“Agora ita nia povu selu transportes husi Lospalos mai selu 8 dolares,entaun Bis nain sira no mos Soper sira hadau malu ho penunpang mak ida idak hakarak lori to’o iha nia uma” Renan dehan.