Komunidade Suku Tirilolo, Subdistritu Baucau Vila, Distritu Baucau, desde okupasaun Indonezia to’o ohin loron kontinua sosa bee kada bidon ida ho folin dolar ida (US$1).
Tuir Xefe Suku Tirilolo Ricardo Ernesto Belo katak bairro sira ne’ebe la hetan asesu ba bee moos mak hanesan Caicidu, Parlamentu, Lialai Lesu, Lutu Mutu, Vila Nova (RSS) Watulete, Marabubu, Bugaite no Osso-ua.
“Ami hato’o ona preokupasaun ne’e ba SAS [Servisu Agua no Saneamentu] Baucau    atu tau matan no bele fornese bee ba komunidade ne’ebe durante ne’e la asesu be mos,” hateten Xefe Ernesto Belo, iha nia hela fatin Tirilolo, iha Baucau, foin lalais ne’e.

Leia mais...

Membru Parlamentu, De¬pu¬¬tado Pedro da Cos¬ta husu ba Timor Telekom atu hadia kestaun telekomunikasaun iha rai laran atu nune’e konsumidores hetan asesu Inernet lalais no direitu atu telefone ema ho baratu.
“Direitu konsumidor sira nian atu reklama, se hetan servisu la dun diak, la satisfeitu ninia hakarak,” hateten Deputadu da Costa, iha Parlamentu Nasional, Dili, semana kotuk(13/12).

Nia hatutan tan katak presiza halo regulamentu ida atu nune’e bele konsumidor sira bele satisfeitu.
“Ida ne’e mak Governu ho Estadu hakarak tama ona ihan kompetisaun Liberalizasaun telekomunikasaun ne’ebe tau iha Orsamentu Jeral do Estadu. Um Miliaun resin tau iha ne’eba atu hare ba legislasaun regulamentasaun atu tama ba iha liberalizasaun telekomunikasaun,” hateten Deputado da Costa.

Leia mais...

Aldeia Waimanuboe, Subdistritu Baucau Vila, Distritu Baucau, nia uma kain hamutuk sanulu resin la hetan energia eletrika to’o oras ne’e tanba falta fiu metan eletrisidade la to’o nune la konsege dada ahi ba sira nia uma.

“Ahi tama uluk kedas iha ami nia Aldea laran maibe tan deit fiu metan atu dada tutan mak la iha  tanba ne’e mak hau nia komunidade sira hamutuk uma kain sanulu resin la asesu eletrisidade ba sira nia uma,” hateten Xefi Aldea Waimanuboe, Alfredo Freitas, semana kotuk (1/01).

Leia mais...

Foguetes ne’ebe tarutu kalan-kalan iha kapital Dili laran halo komunidade hakfodak iha kalan bo’ot tanba traun konflitu uluk nian.
Maske lei hateen katak foguetes bele deit halo tarutu iha loron bo’ot liu liu durante celebrasaun tinan foun, maibe kalan-kalan foguetes tarutu iha sidade laran hanesan kilat tarutu tanba la iha kontrola.

“Hau hare situasaun ne’e primeriu halo hau triste oituan nudar sidadaun tamba buat ida ne’e laos baratu, buat ne’e karun. Hau hanoin iha ita nia rain ida ne’e ema sei kiak barak, mak ita nian maluk balun ne’e bele ba goza kalan-kalan ba sunu foguetes ne’e,” katak Deputadu Jose Teixera, Komisaun B, Parlamentu Nasional, Dili, semana kotuk (14/12).

Leia mais...