Oras ne’e dadaun distribuisaun fos husi Uniaun Nasional Pequena Emprezariu (UNAPE) paradu hela tanba iha failansu oituan iha parte organizasaun nian.
“Prosesu fos to’o iha capital kleur tanba birokrasia organizasaun mak ladiak,”hateten Rozito Quintao, staf UNAPE, semana kotuk iha Comoro,Dili.
Rozito ne’ebe alende staf UNAPE mos hanesan negosiante fos UNAPE, hateten nia parte fa’an ho presu $15,00 kada saka tanba sira sosa kada saka $14.50 cents.
“Ami fa’an fali $15,00, nune’e bele hetan netik nia funan mai ami,”Rozito informa.

Leia mais...

Tuir membru Parlamentu Nasional (PN) katak konflitu ne’ebe dalabarak mosu iha rai laran kauza husi joventude sira tanba falta de kampu servisu e governu iha obrigasaun hodi loke kampu de traballu.

“Laiha servisu entaun halo joventude sira tur iha dalan ibun, hemu tua hodi provoka malu e ikus mai hamosu konflitu entre joventude sira, ne’e hanesan fator ida husi fator sira seluk,”hateten Deputadu Domingos Mesquita, semana kotuk iha PN.

Leia mais...

Oras ne’e dadaun makina oliu pezadu ho marka warsila 3 tranka ona iha Portu Dili e iha tempu badak sei lori ba iha portu provizoriu Behau.
“Ro ne’ebe lori jerador ne’e ida tranka ona lori jerador 3 horseik tuku 3 lorokraik no ida seluk ne’ebe lori jerador 4 oras ne’e iha hela tasi Java nian iha Semarang nia sorin, “informa Sekretariu Estadu Eletrisidade Agua e Urbanizasaun (SEEAU) Januario Perreira, semana kotuk iha nia knar fatin Kaikoli, Dili.

Leia mais...

Tuir Diretóra FOKUPERS, Maria Barreto, katak maske Timor-leste ratifika ona Konvensaun Halakon Diskriminasaun Hotu-hotu Kontra Feto (CEDAW) maibé nia implementasaun seidauk maximu tanba feto barak kontinua sai vitima husi mane.

Leia mais...