Tuir Diretór Nasionál Agrikultura no Hortikultura (DNAH) Ministeriu Agrikultura e Peska (MAP), Gil Rangel katak, atu hasa’e produsaun alimentar ne’ebé sustentavel, agrikultór sira tenke servisu maka’as.
“Ita presiza investe maka’as grupu agrikultór sira nune’e sir abele hasa’e liu tan produsaun,” hateten Gil Rangel iha seminariu fahe esperiensia ho estudante Universidade Nasionál Timor Lorosa’e (UNTL) Fakuldade Agrikultura, semana kotuk iha Kaikoli,Dili.
Relasiona ho bis ne’ebe durante ne’e tula pasajeiru ba distritu sira ho hadau malu deit liu-liu iha terminal Becora, tuir Staf Senior Trafic light Diresaun Nasional Transporte e Terestres (DNTT)Joao Eugenio C.da Silva, katak bis seidauk bele pasang ret tanba terminal sei klo’ot.
“Hau koalia ona ho governu local ho Xefe suku Camea atu muda tiha komunidade sira ne’ebe okupa terminal e ami mos hato’o ona ba iha Administrador sub-distritu Cristo Rei hodi hare ba fatin ne’e,” informa Joao Eugenio C.da Silva, semana kotuk iha Balide,Dili.
Vendedores ne’ebé agora fa’an sasan iha Merkadu Hali laran prontu atu sai husi fatin ne’eba hodi muda ba iha Merkadu Taibesi bainhira sira hetan autorizasaun husi Governu.Tuir negosiante sigaru ne’ebé lor-loron fa’an iha merkadu ne’e, Martinho Coly, katak nia parte prontu atu sai bainhira vendedor sira iha fatin ne’e sai hotu.
Negosiante Roda 3 ne’ebe durante ne’e fa’an sasan iha tasi ibun Palasiu Governu oin, lamenta ho desizaun ne’ebe fo sai husi Administrasaun Distritu Dili,atu hamamuk tasi ibun durante fulan Agustu tanba iha ema estranjeiru barak sei mai vizita Timor iha fulan ne’e.
Bernardinho Xavier Freitas, negosiante R3 ne’ebe lor-loron fa’an nia sasan iha fatin ne’e lamenta tanba governu la fo informasaun antes ba sira.