- Publika iha: 03 Setembro 2011
Vendedores ne’ebé agora fa’an sasan iha Merkadu Hali laran prontu atu sai husi fatin ne’eba hodi muda ba iha Merkadu Taibesi bainhira sira hetan autorizasaun husi Governu.Tuir negosiante sigaru ne’ebé lor-loron fa’an iha merkadu ne’e, Martinho Coly, katak nia parte prontu atu sai bainhira vendedor sira iha fatin ne’e sai hotu.
“Se ema iha merkadu ne’e muda hotu ba Taibesi, ha’u prontu, maibé muda ami mesak de’it ne’ebé fa’an iha estrada ninin, ami se la sai,” hateten Martinho Coly, semana kotuk iha merkadu Hali laran, Lahane,Dili.
Martinho mós husu Governu liu husi Administrasaun Distritu Dili, atu kria uluk kondisaun ne’ebé diak ba sira iha merkadu Taibesi antes sira sai husi fatin ne’eba.
Entretantu vendedor obralan ne’ebé lakohi publika nia identidade, hateten bainhira de’it nia parte prontu atu sai maibé tenke kria kondisaun diak ba sira iha fatin foun ne’e.
“Ami pronto sai ba Taibesi maibé Governu prepara fatin ne’ebé diak ba ami,” dehan fonts ne’e.
Tuir fontes ne’e katak, kompara fa’an iha Hali laran no Taibesi, Hali laran diak liu tanba joven sira kumpriende.
“Iha ne’e ami sasan la lakon arbiru,ami nia roupa soe hela iha hadak okos lalakon ida, maibé iha Taibesi sira la kumpriende ida,”nia kompara.
Entretantu bainhira jornalista tenta konfirma asuntu ne’e ba iha Administrador Distritu Dili, Ruben Braz de Carvalho maibé lakonsege tanba laiha fatin.