SEFOPE aloka U$ 199.456,00 ba sentru formasaun 13 iha TL

Atu hasa’e liu tan kapasidade joventude sira ne’ebe seidauk hetan servisu, Sekretariu Estadu Formasaun Profesional e Empregu (SEFOPE), aloka tan orsamentu ho montante $199.456,00 ba Sentru Formasaun sira iha distritu hotu.
“Apoiu ida ne’e atu kapasita juventude sai professional, sai konfiante para aban bainrua bele integra ba iha merkadu servisu ho tan komersiante,”hateten SE.Bendito Freitas, semana kotuk hafoin asina nota intendementu governu ho sentru formasaun sira, iha Balide,Dili.

Tuir nia, iha formasaun oi-oin mak joventude sira sei tuir, mak hanesan konstrusaun sivil,hospitalidade, turismu no area seluk tan.
Benefisiariu ne’ebe mak hetan apoiu husi SEFOPE husi sentru 13 iha Timor leste mak hanesan, Sentru terinamentu foinsae Timor leste Dili,Centru da Paz iha Manatuto, Centru Treinamentu Vocasional Juventude Camea Dili ,Centru treinamentu vocasional juventude Ermera-Gleno, Centru Vocasional Juventude Bairo-Pite, Centru Vocasional Juventude Comoro, Centru Vocasional Juventude Manatutu ,centru formasaun informatika e custura Madalena Morano Fuiloro ,Senai Becora ,Citra Mandiri Gleno Ermera ,Centru treinamentu Claret Covalima Salele ,CNEFP Tibar no ikus liu mak Centru Creativu komunidade Suai Covalima .
“ Orsamentu ne’ebe mak aloka hodi fo apoiu ba sentru sira ne’e mai husi orsamentu jeral du estadu ne’ebe mak husi fundu dejenvolvimentu capital umanu nian “Bendito esplika.
Orsamentu sira ne’e aloka ba sentru ida idak hodi sosa material no ekipamentu sira seluk inklui mos ba salariu estaf organijasaun nian.
Entretantu Diretor fundasaun Mahein Nelson Belo hateten orsamentu ne’ebe mak apoiu durante ne’e sira halao sira nia programas ba area seguransa no defeja nian hodi halo sira nia aktividades iha distritu sira .
“Ami fo agradese ba Sekretariu estadu formasaun professional empregu tamba fo ajuda ami hodi halao ami nia aktividade iha ami nia organijasaun laran”dehan Nelson Belo .
Tuir nia katak, apoiu orsamentu ne’e bele fo ajuda servisu ativu diak liutan iha organijasaun nia laran .
“Orsamentu ne’ebe mak SEFOPE fo apoiu ne’e osan balun ami selu ba estaf sira no balun uja hodi selu ba transportes hodi halao aktividades lao ba mai” Nelson dehan.
Alende ne’e Deodora Pereira husi Centru Vocasional juventude Ermera Gleno ne’ebe mak hare liu ba area Agrikultura meio ba Moris ,Admistrasaun no Turismu nian hateten katak apoiu orsamentu ne’e atu sosa ba hahan estudantes sira ne’ebe mak tuir formasaun durante fulan sanulu nia laran, kustu admistrasaun ba area formasaun finansas no IT ,sosa ekipamentus ,aluga transportes ,Vaju kuda aifunan nian , salariu ba formadores nain hat ba fulan sanulu resin rua nian.
“Osan ne’ebe mak ami hetan apoiu husi sekretariu estadu formasaun professional empregu ne’e hamutuk $ 20,000.00 atu fasilita ami nia aktividades sira ne’e,”nia dehan.