- Publika iha: 28 Agosto 2011
Uniao Europea (EU) fo apoiu ba Timor-Leste ba aktividade parlamenta ba tinan hat nia laran ho montante orsamentu 4 milhoesn Euros.
“Se tau ba dolar karik 5 miloens oituan tan para atu halo projetu parlamentu nian durante tinan 4 nia laran,” hateten Prezidenti Parlamentu Fernando Lasama de Araujo iha Parlamentu Nasional, Dili, iha semana rua liu ba (21/07).
Prezident PN Lasama hateten apoio hosi EU atu uza atu selu ba asesores sira, tekniku sekretariadu ninian, servisu fo apoiu ba Deputadu sira no mos halo kontinuasaun formasaun ba aseores nain sanulu iha Parlamentu Nasional.
“Ne’e be oihin ami asina ona akordu ne’e komesa nia implementasaun 1 de Agostu to’o iha fevereiru 2015.”
Prezidente PN Lassama hatutan tan katak asina akordu ne’e faze primeiru nebe segunda lejislatura konsegue no sei halao durante tinan hat nia laran.
“Hau nia mandatu iha falta tan tinan ida,nebe agora projetu ba tinan hat hau hanoin prezidenti parlamentu foun mai sira bele garantidu ona katak, sira la presija ulun moras tan,tamba sira iha ona asesores,sekretariadu para lori fo apoiu ba servisu terseira lejislatura ninian.”
Lasama dehan asesores sira ne’e balun estranjeiru no balun Timor leste.
Entretantu Embaisador Uniaun Europeia, Juan Carlos Rei, hateten katak apoiu Uniaun Europeia ba Parlamentu Timor-Leste ne’e importante tebes hodi halao prosesu dezenvolvimentu parlamentu nasional nian ba oin.
“Kontestu ida ne’e hau senti orgulhu tebes tanba Uniaun Europeia fo apoiu ba Timor-Leste Milhoens 4 Euro hodi halao ba aktividades parlamentu ninian.”
Embaxador EU Juan Carlos Rey mos informa liutan katak projetu hirak ne’e bele halao sei fo benmefisiu bo’ot ba parlamentu nasional n no mos bele fo ajuda ba funsionariu parlamentu nian, liu liu Deputadus no mos funsionariu sira seluk.
“Iha projetu ida ne’e nia espiritu ou nia sentidu nudar parlamentu orgaun soberania nudar reprezentante povu tenki haforsa instituisaun ne’e lao diak liutan” dehan Embaixador EU Juan Carlos Rei hafoin asina akordu ho Prezidenti Parlamentu Nasional Fernando Araujo Lasama, iha sala konferensia parlamentu nasional nian iha Dili.