- Publika iha: 24 Setembro 2024
Primeiru-Ministru Kay-Rala Xanana Gusmão hateten, Universidade Katólika Timorense (UCT) la iha nesesidade atu estabelese fakuldade sira seluk, maibé tenke iha Fakuldade Filozofia no Língua hodi kompleta forsa traballu iha futuru.
Nia dehan, Unidade Katólika lamerese atu estabelese fakuldade sira seluk hanesan, Saúde, Enjeñaria, Ekonomia no seluk tan, tanba iha universidade sira seluk iha ona.
"UCT lamerese atu loke tan fakuldade sira-ne'e maibé, merese de’it atu estabelese Fakuldade Filozofia no Língua, nune'e prodús graduadu ne’ebé kualidade no bele prepara ba forsa traballu iha futuru," nia dehan iha Novu Turismu, Díli.
Nia dehan, universidade barak mak kompete ho fakuldade hirak ne'ebé temi ona no produz graduadu kada tinan barak, maibé forma karak terumanu ne'e la iha no la iha koñesimentu ba língua.
"Ita hakarak Universidade Katólika Timorense (UCT) estabelese tenke diferensa ho universidade seluk no ita hakarak tenke foka de’it ba fakuldade filozofia no língua," PM Xanana dehan.
Nia hatete, ohin loron rasiosinu ne'e husi joven sira la iha liu, atu graduat iha iha UNDIL, UNPAZ, ka UNTL sira la iha rasiosinu no la iha koñesimentu di’ak ba língua.
Entretantu Reitór UCT Frei Joel Pinto dehan, pensamentu ne’ebé avo Nana fó ne'e hanesan baze ida hodi dudu universidade sira hadia kualidade edukasaun iha Timor-Leste.
"Universidade balun ne’ebé loke kursu hanesan, maibé ho nia asentuasaun ne'e diferensa, no UCT loke kursu la’ós de’it atu buka lukru, maibé sei hatudu kualidade ne’ebé sei di’ak liu," nia informa.
Nia dehan, ne'e kontribuisaun ne’ebé Universidade Katólika Timorense promete ba nasaun ida ne’e no sosiedade.