- Publika iha: 13 Setembro 2024
Profesór sira husi Departamento de Comunicação Social (DCS), Faculdade de Ciências Sociais (FCS), Universidade Nacional Timor Lorosa’e (UNTL), esforsu makaas hodi estudante sira bele finaliza estudu lisensiatura tenki tinan 4 no másimu maka tinan 5 tuir rekomendasaun husi ANAAA (Agência Nacional Para Avaliação e Acraditação Académica).
Diretór DCS Roberto da Costa Pacheco hateten, iha departamentu fó liberdade ba estudante sira banhira tama ona ba semestre 6 obrigatóriu ba estudante sira entrega ona títulu proposta hodi fasilita sira-nia prosesu estudu ho lais.
“Iha Departamento de Comunicação Social hahú kedas husi tempu uluk to’o agora, fó liberdade ba estudante sira banhira tama ba semestre 6, ne’e obrigatóriu sira tenki hatama ona títulu, no depois semestre7 hetan aseitasaun ba títulu proposta hodi naran sira haruka ba fakudade bainhira hetan aseitasaun husi fakuldade, estudante sira bele hahú hakerek ona,” Dehan Diretór DCS Pacheco, iha nia knaar fatin, Kampus Kaikoli, Díli.
Nia hatutan, estrutura departamentu ho nia dosente sira liuhusi enkontru hodi foti desizaun katak ba estudante semestre 6 obrigatóriu tenki entrega títulu proposta.
“Estrutura departamentu ho nia dosente sira sempre tur hamutuk iha konsellu dosente nian hodi deside katak estudante sira hatama ona títulu monografia ne’e obrigatóriu no estudante balun ne’ebé iha avaliasaun makaas ka badinas no orientasaun loos bele ezame proposta, molok tun hala’o Estájiu Servisu Sosial (ESS).
Bainhira fila husi estájiu mai bele kontinua kedas ba estájiu profisionál, no peskiza monografia depois hotu kontinua ba ezame monografia ba sira-ne’e bele livre teoria ona,” dehan.
Nia informa, estudante anu letivu 2021 iha tinan 2024, estudante balu badinas antes tun Estájiu Servisu Sosial bele ezame uluk hodi nune’e bele tuir rekejitu husi avaliasaun ANAAA nian.
“Agora dadauk iha tinan 2024 estudante anu letivu 2021 balun maka hahú hakerek ona proposta no karik badinas, molok tun ba Estájiu Servisu Sosial sira bele ezame proposta antes tun ba estajiu sosial, atu dehan de’it katak ho mudansa sira-ne’e maka ita bele la’o tuir ezijénsia husi ANAAA nian, nune’e ita-nia programa estudu ne’ebé hateten lisensiadu ne’e tenki tinan 4 de’it no másimu maka tinan 5,” nia informa.
Nia rekomenda, ba estudante sira tenki badinas,tanba dosente sira sempre iha ba estudante sira 24 horas hodi haree ba estudante sira-nia preokupasaun.
“Ba estudante sira tenki badinas, tanba ami profesór hotu iha DCS ne’e sempre iha ba estudante hodi haree ba preokupasaun ne’ebé sira iha no labele lakon vontade, banhira profesór sira risku traballu ka proposta estudante baruk ona ne’e labele, tanba ema seluk sei bele nusa ita labele, ema seluk tinan 4 hotu ona nusa ita labele.
Realidade iha ita-nia departamentu diferensia ho departamentu seluk, tanba ita-nia kondisaun favorável tebes ba estudante sira atu bele lisensiatura iha tinan haat tuir estudante nia badinas tanba husi profesór 8 oras pordia sempre iha hodia kompaña estudante sira,” nia motiva.
Iha sorin seluk estudante DCS nian Octaviana Isidoro de Sá Benevides sente orgullu loos ho nia departamentu, tanba bele fó oportunidade ba sira hahú hakerek proposta antes tun estájiu sosiál.
“Ha’u kontenti loos bele tama iha departamentu ne’e hodi halao ha’u-nia estudu,tanba ha’u tama iha ne’e iha anu letivu 2021 no agora iha semestre 7, ha’u hahú hakerek ona ha’u-nia proposta espera ha’u bele ezame antes ba estajiu sosial,” dehan Octaviana.
Niahatutan, hahú husi semestre ida to’o mai semestre hitu materia liu hotu signifika la kréditu no agora dadaun komesa hakerek ona niaproposta.
“Ha’u tama iha DCS ihatinan 2021 no agora livreteoriaona, noihaprosesuhakerekpropostaiha tempu badak espera orientadór sira bele ACC ona, tanba husi orientadór dahuluk agora iha prosesu orientadora daruak nian, espera iha fulan ne’e bele hetan ACC mós husi orientadora daruak hodi ha’u bele ezame ona proposta,” Teniknia.
Nia rekoñese, profesór no profesora husi nia departamentu sempre motiva sira hodi bele finaliza estudu tuir avaliasaun ANAAA nian.