ME Rekruta Tan Profesór Kontratadu Na’in 800

Ministériu Edukasaun (ME) rekruta tan professor kontratadu hamutuk na’in 800 ba permanente hodi koloka ba eskola sira ensinu báziku iha territóriuTimor-Leste tomak.

Diretora Rekursu Umanu, Iha ME Anita, Tavares Ribeiro dehan eskola ensinu báziku balun identifikadu sei menus hela professor, tanba ne'e ministériu halo tan rekrutamentu ba profesór kontratadu sira hodi kompleta ba eskola ensinu báziku sira.

"Ita rekruta tan professor kontratadu hamutuk na’in 800 ba permanente hodi koloka tan ba eskola ensinu báziku sira iha territóriu laran," nia informa.

Nia dehan, eskola ne’ebé identifika ona sei menus professor ne'e hamutuk 789 iha territóriu laran.

"Ita rekruta tan professor hirak ne'e hodi koloka ba eskola sira ne’ebé mak kontinua menus professor ne'e," nia salienta.

Nia informa dadaun ne'e aplikante sira komesa aplika ona ba vaga refere no husu ba professor kontratdu sira bele kompete.

Entretantu. Kordenador Rede Edukasaun Timor-Leste Coalition for Education (TLCE), Jose Monteiro dehan, eskolasira la’ós enfrenta de’it problema menus profesór, maibé hasoru mós problema menus kadera no meza eskolár.

"Ita husu atu rezolve mós problema menus kadera no meza iha eskolar sira laos de’it professor," nia dehan.

Tanba ne'e nia sujere katak, Ministériu Edukasauntau mós prioridade hodi rezolve problema menus kadera no meza, tanba dadaun ne'e eskola balun estudante sira tur de’it iha rai hodi tuir prosesu aprendizajen.