KBRI-Dili Fó Apresiasaun ba Servisu SEPT no UPM Tanba Konsege Salva Sidadaun Indonézia na'in-16

Embaxadór Indonézia iha Timor-Leste Okto Dorinus Malik dehan, lori governu Indonézia KBRI (Kedutaan Besan Republik Indonesia) Díli fó aparesiasaun ne’ebé bo'ot tebes governu Timor-Leste liu-liu SEPS no Autoridade Ataúro no Unidade Polísia Marítima (UPM) ne’ebé salva ona sidadaun Indonézia nian 16 ne’ebé mak mout iha tasi maské ida lasalva vida, maibé na’in-15 konsege salva.

"Akontesimentu ida-ne'e la’ós foin primeiru, maibé sempre akontese no sempre hetan salvamentu husi autidade seguransa Timor-Leste nian liu-liu Unidade Polísia Marítima (UPM) no hetan tramentu saúde nomós husi governu Timor-Leste," nia dehan.

Tanba ne'e nia dehan, kooperasaun entre Timor-Leste no Indonézia di’ak tebes la’ós de’it ba kooperasaun bilateral, maibé ba umana mós di’ak tebes no agradese ba tulun ne’ebé mak governu Timor-Leste halo ona.

Segundu Komandante Unidade Polísia Marítima Inspetór Xefe Aniceto da Silva Fatima dehan, sidadaun Indonézia na’in-15 ne’ebé hetan dezastre husi diresaun Jawa ba Papua maibé la konsege, tanba to'o iha área Alor no Ataúro laloran tasi boot no ró refere mout ba tasi.

"Iha akontesimentu ró mout ne'e Unidade Polísia Marítima (UPM) postu Ataúro no Autoridade Protesaun Sivíl Munisípiu Ataúru hetan informasaun no to'o kedasiha fatin akontesimentu hodi salva sidadaun Indonézia na’in-16 ne'e, maibé mate na’in-ida no na’in-15 kongese salva vida no evakua kedas sira mai iha Dili hodi fó asisténsia ba vitima sira," nia dehan.

Nia dehan, sidadaun ida ne’ebé lakon vida dadaun ne'e iha ona Mortuariu HNGV hodi prosesu transporta ba nasaun orijen no sira seluk entrega ona ba Embaxada Indonézia iha Timor-Leste hodi halo prosesu transporta fila ba nasaun orijen.

Enkuantu sidadaun Indonézia nain 15 ne'e sai husi Jawa ba Papua ida dia 2 Juñu no lori ho sasan kontrusaun hanesan, besi, aspal no nesesidade báziku balun.

Entretantu Sekretáriu Estadu Protesaun Sivíl (SEPS) Mariano Reis hatete, dadaun ne'e governu Timor-Leste servisu hamutuk ho Embaxada Indonézia hodi fasilita transporta fila sidadaun na'in-14 ne'e no mate isin ba nasaun orijen.

"Ita koordena hamutuk ho migrasaun Autoridade Marítima oinsa atu bele lori fila vítima sira ba Indonézia," nia informa.

Nia dehan, nu'udar governante hato'o solidaridade klean vítima sira ne’ebé hetan asidente iha tasi entre Ataúro ho Alor nian.