- Publika iha: 24 Novembro 2011
Prezidente Tribunal Rekursus (TR), Claudio Ximenes, hateten katak oho ema krime ida todan teb-tebes no lei klaru kona ba krimi oho ema ka halo kanek ema nia isin.
“Iha prosesu ida ne’e imi nain hat oho ema nain rua. Tribunal hatene katak imi oho Bimeta no Boe Ana tamba imi fiar katak sira ema buan no imi fiar katak ema buan iha poder atu halo ema seluk moras ka mate,” hateten Prezidente TR Ximenes semana kotuk (9/11) iha TR, iha Caicoli, Dili.
Tuir Prezidente Ximenes se mak iha buat ruma hasoru ema ruma no hanoin katak ema tenki hetan kastigo tenki ba kesar ba polisi ka ba prokurador hodi halao prosesu atu fo kastigo ba ema ne’e. Nia haktuir tan katak Estadu deit mak bele fo kastigo; ema ida ida labele fo kastigo ba ema seluk.
Tuir faktus kazu ne’e, arguido nain hat, Gilberto Lopes, Carlito de Jesus, Saturnino Soares, no Bendito Pinto Nunes, oho ema nain rua, Bimeta ho tinan 60, no Boe Ana, ho 60 anos hanesan, tanba sira hanoin katak ferik rua ne’e kaer aimoruk atu halo aat ema.
- Publika iha: 24 Novembro 2011
Desde Timor-Leste hetan ona Independensia iha tinan 2002, preokupasaun sei nafatin hafoin besik tinan sanulu ho prosesu halo lei foun atu regula asuntu importante sira. Maske prosesu ne’e importante, prosesu elabora materias educativo atu treino profisaun legal ba jerasaun foun lao neneik tebes tamba material educasional menus tebes.
“Asesu ba testu livru kona ba lei Timor-Leste ne’ebe hakerek iha lian ofisial ne’e importante ba servisu Fakuldade de Direitu Universidade Nasional Timor Leste (UNTL),” hateten Reitor Universidade Nasional (UNTL) Dr. Aurelio Guterres iha nia diskursu iha Xanana Sport Center, Bairo Dos Grilos, Dili durante lansamentu livru Etika Profesional de Direitu iha semana kotuk (10 /11).
- Publika iha: 24 Novembro 2011
Husi fulan Setembru 2010 to’o fulan Outubru 2011 Fundasaun Educasaun Komunidade Matebian (FEKM) Baucau fo asistensia legal ba vitima no suspeito hamutuk 321 ba kazu krime. Hosi kazus ne’e rezolve ona 66 kazus no seidauk rezolve kazus 255.
Tuir Director FEKM Lino lopes, sira atende kazu ne’e ba vitima no suspeitu involve iha kazu krimi hanesan kazu baku malu jeraL, violensia domestika, ema lanu iha komunidade, konflitu jeral, violensia sexsual, ofensas korporais, kazu homesido no seluk tan.
“Ami mos atende kazu sobre kazu arguidu no suspeito, no dala barak ami mos akompanha sira ba tribunal halo defesa ba sira. Iha tribunal defende vitima kuandu vitima nia dadus seidauk kompletu bainhira kanek iha,” hateten Lopes, semana kotuk (3/11), iha nia knar fatin iha Kota Baru, Baucau.
- Publika iha: 24 Novembro 2011
Unidade Batalhão Ordem Publika (BOP), PNTL, Baucau, falta fasilidade hanesan transporte, eikapmentus ba protesaun pessoal, radio komunikasaun, komputadores mos sei limitadu, gazoel ba transporte ninian mos la to’o, inklui mos be’e mos iha sira nia posto hodi fasilita polisia sira hodi atende ba situasaun ne’ebe akontese iha Distritu Baucau nia laran.
Tuir Inspector BOP, Carlos Cabral semana kotuk (3/11), iha servisu fatin iha Baucau, fasilidade ne’ebe mak sei falta iha nia edifisio Baucau ne’ebe la premite atu sira halao servisu ho maximu no presiza tan ekipamentus sira ne’e atu hodi atende ba situasaun ne’ebe akontese iha Distritu Baucau nia laran.
- Publika iha: 24 Novembro 2011
Maske Posto Unidade Batalhao Ordem Publiko (BOP), PNTL, kondisaun a’at maibe ajentes polisian ne’e nafatin servisu ho buat ne’ebe iha hodi atu fo seguransa ba komunidade atu no pronto atu enfrenta situasaun ne’ebe deit mosu iha Distritu Baucau.
“Ida ne’e situasaun ne’ebe ami hasoru nudar Timoroan. Ami esforsu nafatin maske kondisaun ladiak mas ami nia knar ami tenki servisu ho buat ne’ebe iha labele hein deit kondisaun diak mak servisu,” hateten Inspector BOP Carlos Cabral Quintas, semana kotuk (3/11) iha nia knar fatin iha Bahu, Distritu Baucau.
Tuir Inspector Cabral edifisio Postu BOP ne’e rasik hari kedas iha Tempo Indonesia nian no sira komesa servisu iha fatin ne’e iha dia 1 de julho 2002 to’o ohin loron.
- Publika iha: 18 Novembro 2011
Bazeia ba esperensia ne’ebé mak Timor-Leste mós infrenta iha tempu pasadu durante okupasaun Indonesia nia ukun ho Ditadura Militar, Aktivista ba Justisa, Patrisia Isasa vizita mai Timor promove oinsa bele hakotu korenti impunidade ne’ebé buras iha rai laran.
“Hau mai iha Timor-Leste iha fulan ida nia laran, atu fahe hau nia esperensia no hau nia hanoin konaba luta kontra Ditadura Militar iha Arjentina iha tempu ne’eba to hetan duni Justisa, hodi hatama autor ne’ebé halo violensia kontra hau nia povu Arjentina ba Tribunal to tama ba komarka. Ho nune’e mai ita hamutuk hodi luta ba hakotu korenti impunidade iha rai ida ne’e,” hateten Aktivista Patricia Isasa durante seremonia enkontru Publiku ho nia topiku Jeral “Haluha Krime Pasadu, Hamate Justica Iha Agora no Futuru” iha STP-CAVR Balide, Dili, foin lalais (28/10).
Aktivista Justisa Isasa koko atu fo inspirasaun ba ativista sira iha Timor-Leste hodi kontinua luta ba hakotu impunidade ne’ebé nakonu ho dezafiu, no sei liu husi dalan ne’ebé naruk, hodi tulun vitima sira dirije sira terus no trauma ba kampania ne’ebé konstrutivu, inklui mós hodi influénsia Timoroan no Nasoins Unidas nia ema sira ne’ebé foti desizaun hodi promove Lei, Orden no Justisa.