Membru polisia ho inisial A husi Distritu Liquisa alega baku komunidade ida ho naran kompletu Francisco dos Santos ho idade 57 hela iha Liquisa, suku Fatukesi, Kampung Katar Leman. Vitima alegada hateten katak atake ne’e akuntese foin lalais iha 05/01/2012 tuku 4 lokraik.
Ho torturasaun ne’e, vitima dos Santos hetan moras maka’as iha nia kanotak, mear no susar tebes bainhira atu dada iis.
“Problema tanba hau nia mane foun ho hau nia oan feto mak halo problema, depois polisia ne’e husi kota ba asalta fali labarik nain rua.
Tuir Xefe Estadu Maior Falintil- Forsa Defeza de Timor-leste (F-FDTL), Brigadeiru Jeneral Lere Anan Timor katak desizaun ne’ebe Konselhu Ministru fo sai katak Artemarsiais ne’ebe la halo problema, la taka maibe taka deit ba Arte Marsiais sira nebe mak loro-loron kria problema hela deit.
“Pur ezemplu Kempo, Taekwondo, Boxing ne’e lori Timor-leste nia naran ba eventu internasional ida ne’e la taka,” hateten Brigadeiru Jeneral Lere Anan Timor, semana kotuk (11/01) iha Fatuhada, Dili.
Komandante do Komanndo Operasional Nasional, Polisia Nasioanl Timor-Leste, PNTL, Superintendente Xefe Armando Monteiro, hateten atu asegura komunidade iha tempu elisaun, PNTL sei kopera hamutuk ho autoridade lokal,media, STAE inklui mos fo direitamente apoiu seguransa ba komando distritais.
“Elisaun iha tinan ida ne’e sistema seguransa sei diferente ho seguransa iha tempu elisaun iha tinan hirak kotuk ba tanba iha tinan ida ne’e espesial operasional. PNTL fo diretamente apoiu seguransa operasional ba komando distritais alende ne’e PNTL mos koopera
Relasiona ho eleisaun bo’ot rua Parlamentar no Prezidensial ne’ebe sei halao iha tinan ida ne’e, Deputadu Francisco Branco, FRETILIN, hateten tuir lei sidadaun hotu-hotu bele tuir votasaun iha fatin ne’ebe deit, la’os deit iha fatin ne’ebe nia rejista ba.
“Maibe maioria husi parlamentu ne’e hasai desizaun katak ba 2012 votasaun ba eleitor sira, sidadaun sira sei vota iha fatin ne’ebe sira rejista ba,” hateten Deputado Branco, semana kotuk (11/01) iha Parlamento Nasional, Dili.
“Ida ne’e bele maibe ita bele limita ema nia liberdade atu sirkula ba mai.”
Staf Senior Traffic Light Diresaun Nasional Transporte e Terestres (DNTT) Joao Eugenio C.da Silva hateten, iha tempu badak nia laran DNTT koordena ho Polisia Tranzitu sira hodi halo pasa revista ba taxista sira nebe la uza farda.
“Sira nebe la uza farda ami sei kontakto polisia hodi kona sansaun ba sira, sei multa $40,00,” hateten Staf Senior Traffic ,Joao Eugenio C.da Silva,iha DNTT Balidi semana kotuk,(11/01).
Tuir Diretor Ezekutivu Programa Monitorizasaun ba Sistema Judisial (JSMP), Luis Sampaio de Oliveira, katak iha sira nia observasaun durante tinan 2011, iha progressu signifikativu ka pasu positivu balu iha setor ida ne’e.
“Mesmu nune’e iha tempu hanesan ami la ignora katak iha parte seluk Setor Justisa sei kontinua infrenta dezafiu oin-oin no impedimentu oin-oin iha aspeitu atu hari’i ka lori ema sira ne’ebe maka buka justisa liu-liu ba kazu sira nebe mak pertense krimi kontra umanidade iha tempu pasadu ninian. Kazu ne’ebe maka ami konsidera grave liu maka kazu ne’ebe involve milisia Besi Merah Putih ne’ebe maka Tribunal hatun desizaun kondenatoriu atu lori nia ba prizaun durante tinan 9 iha 8 Junhu 2011 nia laran maibe desizaun ne’e la konsege ezekuta,” kestiona Diretor Sampaio iha konferensia da Imprensa foin lalais ne’e iha Dili.