Relasiona ho Bis segunda mao ne’ebe atu fo ba Universidade Nasional Timor Loro sa’e fakuldade Engenharia, Universidade Nacional Timor Lorosa’e, UNTL, tama ona Tribunal Distrital Dili (TDD) atu halo juldamentu no sei hein atu hetan desizaun final.

Tuir etika judisial wainhira kazu ruma tama ona iha Tribunal atu tesi lian ema ida inklui mos Procuradoria ka Ministrus sira la bele pronunsia kona ba kazu ne’e.
“Ami, nein membru do Governo, nein funsionario Governo labele komenta,” hateten Ministro Educasaun, Dr. João Cancio Freitas, semana kotuk (9/12) iha Dili.
Tuir Ministro Freitas kazu bis second hand (uzadu) agora iha TDD to’o hein desizaun husi Tribunal fo sai.

Leia mais...

Komisaun Anti Korrupsaun (KAK) to ohin loron konsegues ona identifika kazus korrupsaun 27 no kazua sia tama ona iha Ministerio Publiku.
“Prosesu investigasaun lao nafatin. Deste tinan uluk to’o agora ami simu kazu ne’ebe mak delega husi Ministeriu Publiku ne’e 27 (Rua Nulu Resin Hitu) husi kazus 27 ne’e KAK halo ona investigasaun hotu ona no fo sai nia relatoriu hamutuk sia ba ministeriu Publiku,” hateten Jose Antoniu De Jesus Das Neves, Komisario Adjuntu ba Edukasaun no Peskiza, KAK.

Komisario Adjuntu Neves dehan tan katak wainhira kazus tama ona iha Ministeriu Publiku hein katak sira sei esforsu makaas no sei halo anliza ba kazu hirak ne’e hodi nune’e sei hetan rezultadu nebe apropriado, maibe wainhira Ministeriu Publiku hanoin katak kazu hirak ne’e presija tan informasaun ruma sira bele husu KAK atu buka tan informasaun atu kompleta liu tan faktus.

Leia mais...

Unidade Vulneravel (VPU) Polisia Nasional Timor-Leste, PNTL, unidade ne’ebe importante los iha rai laran tanba fo assistensia no suporta ba populasaun liu liu sira ne’ebe ho kondisaun vulneravel.
VPU nia servisu liu-liu atu atende kona ba kazus Violensia Domestika maibe dala ruma hetan failhansu tamba laiha transporte.
Hare ba condisaon hanesan ne’e iha 2011 Parlamentu no Governu oferese kareta atu fo ba Unidades VPU iha distritu 13 hodi halao sira nia servisu, maibe to’o agora kareta hirak ne’e seidauk to’o unidades VPU iha rai laran.

Leia mais...

Membru Parlamentu Nasional hateten Lei Reparasaun ba Vitima 1975 no 1999 horas ne’e daudauk iha Komisaun A maibe seidauk fo ba plenaria parlamentar atu hetan diskusaun.

“Lei ne’e sei submete lai ba komisaun, para komisaun halo ninia servisu, halo interpreta, halo audensias hotu tiha hafoin komisaun relevante ne’e halo ninia pareser submete mai iha Parlamentu hafoin halo diskuti artigu pur artigu,” hateten Deputadu Inacio Moreira, FRETILIN, iha Parlamentu Nasional, semana kotuk (1/12).

Deputadu Moreira dehan tan katak Lei Reparasaun ne’e horas ne’e dadauk sei iha Komisaun A no katak to’o agora Lei ne’e rasik sidauk ajenda hodi diskuti iha plenaria Parlamentu nian.

Leia mais...

JSMP analiza ba situasaun real ne’ebe iha hatudu katak komunidade barak inklui mos estudantes universidade sira, liu liu sira hosi Fakuldade de Direitu, nudar jerasaun foun ne’ebe estuda konaba Lei iha Timor-leste, seidauk hatene katak problema Violensia Domestika ne’e Krime Publiku tanba falta informasaun.
Hare ba problema ne’e Programa de Monitorizasaun do Sistema Judicial (JSMP) organiza seminariu ida ho estudantes Universiadade da Paz, UNPAZ, Fakuldade de Direitu ho tema Kombinasaun implementasaun Lei kontra Violensia Domestika ho Kodigu Penal Timor-Leste, husi perpestiva pratika no akademiku.

Leia mais...

Tuir Konstituisaun Republika Demokratika Timor-Leste (RDTL) katak Polisi Nasional Timor-Leste PNTL mak sei defende legalidade demokratiko no garate sidadaun sira nia seguransa interna.

Nune katak kilat ne’ebe ajentes PNTL atu protégé no garante soberania nasaun no seguransa komunidade iha rai laran maibe tuir peskila halao hosi Fundasaun Mahein (NGO ne’ebe estuda no aliaza kona ba seguransa iha rai laran) hatudu komunidade sai fali vitima ba PNTL nia kilat.

“Tuir ami nia peskiza hare katak kilat Polisi Nasional Timor-Leste seidauk protege sidadaun no segurasa mos laiha tamba kazu ho kilat ne’ebe membru PNTL balun komete kada tinan tinan, hahu husi Instituisaun PNTL estabelese iha 27 Marsu 2000, to’o ohin loron a’as tebes,” hateten Director FM Nelson Belo iha semana kotuk(2/12) iha  nia knar fatin iha Balide Dili.

Leia mais...