Diretór Ezekutivu ba Unidade de Missaun Kombate Stunting (UNMICS), Filipe da Costa hateten sidadaun barak mak hakarak buka han ai-han lokal, maibé dala barak laiha kapasidade atu sosa ai-han produtu lokál ba konsumu família nian tanba produtu lokal folin karun, entaun produtu importadu sai opsaun úniku ba konsumu família.
Sekretaria Estadu Protesaun Sivíl (SEPS) distribui karreta hamutuk 24 ba bombeiros iha munisípiu 11 inklui Aileu, Ainaro, Liquiça, Lautem, Manatuto, Viqueque, Ermera, Atauro, Manufahi, Baucau no Oe-Cusse hodi apoiu sira-nia servisu kombate insendiu.
Pasiente Juvita Jeronimo Maria, husi Suku Caraubalo, Postu Administrativu Viqueque Villa, Munisípiu Viqueque hateten ekipa junta médiku deside ona atu ba halo tratamentu iha rai-liur, Indonésia tanba sofre moras kankru ne’ebé seidauk bele halo tratamentu iha rai-laran. Maibé passaporte laiha no dadaun servisu atendimentu passaporte la funsiona tanba kaderneta passaporte laiha.
Responsável Servisu Hapara Fuma, iha Sentru Saúde Komunitária Formosa Díli, Doutór Eldino de Castro Rangel informa fumadór ativu na’in 908 husi totál 1216, ne’ebé vizita fasilidade hapara fuma hodi hetan tratamentu Nicotine Replacement Therapy (NRT) totalmente para ona fuma no sai kampiaun ba asaun hapara fuma iha sosiedade.