- Publika iha: 09 Janeiro 2012
Tuir Konstituisaun Republika Demokratika Timor-Leste (RDTL) katak Polisi Nasional Timor-Leste PNTL mak sei defende legalidade demokratiko no garate sidadaun sira nia seguransa interna.
Nune katak kilat ne’ebe ajentes PNTL atu protégé no garante soberania nasaun no seguransa komunidade iha rai laran maibe tuir peskila halao hosi Fundasaun Mahein (NGO ne’ebe estuda no aliaza kona ba seguransa iha rai laran) hatudu komunidade sai fali vitima ba PNTL nia kilat.
“Tuir ami nia peskiza hare katak kilat Polisi Nasional Timor-Leste seidauk protege sidadaun no segurasa mos laiha tamba kazu ho kilat ne’ebe membru PNTL balun komete kada tinan tinan, hahu husi Instituisaun PNTL estabelese iha 27 Marsu 2000, to’o ohin loron a’as tebes,” hateten Director FM Nelson Belo iha semana kotuk(2/12) iha nia knar fatin iha Balide Dili.
Tuir Director Belo tamba durante ne’e mos povu, komunidade, joven barak mak sai vitima mak hanesan akontese iha Delta Nova kazu Kuka ne’ebe durante ne’e seidauk resolve, no mos hanesan akontese iha Maliana iha festa laran mak tiru mate estudante ida, iha Viqueque uluk tempo Eleisaun, no mos iha Baucau .
Entertantu joventude ne’ebe la kohi atu hateten nian naran mos haktuir katak nudar joven ida nia tristi.
“Hau sente triste oituan tamba hahalok ne’ebe Polisi Nasional Timor-Leste durante ne’e halo hasoru joven la tuir lei ou la tuir regra ne’ebeiha,” hateten joventude ne’e.
Tuir Joventude ne’e katak hanesan ita nia maluk ne’ebe sira tiru mate iha Delta Nova to’o agora la halo investigasaun klaru ba suspeito ne’ebe mak involve iha krime ne’e.