- Publika iha: 03 Janeiro 2012
Polisia Republika Indonesia (POLRI) aprezenta (21/11) Nota Entendimentu (MOU) Pakote Akordu Treinamentu ne’ebe sei halao atu aumenta kapasidade rekursu humano Polisia Nasional Timor-Leste (PNTL) ninian.
“Sira hatudu sira nia komprimiso bo’ot atu ajuda Polisia Nasional Timo-Leste tuir orientasaun ne’ebe mak Polisia Republika Indonesia foun fo ba sira para ho maksimu posivel implementa [Akordu MOU] ne’ebe mak instituisaun rua ne’e halao iha tinan kotuk Jakarta,” hateten PNTL Komisario Longuinhos Monteiro iha Kuartel Jeral PNTL, iha Kaikoli, Dili.
Tuir Komisario Monteiro katak iha vantajen barak Polisi sira ne’ebe escola iha Indonesia tamba lian Bahasa Indonesia no konseitu importante mak visaun no misaun polisia ninian iha fatin hotu hotu hanesan hotu.
Treinamentu ne’ebe PNTL sei hetan kona ba areaa luan hanesan kontra-terorismo, Servisu Investigasaun Kriminal (SIC) liu-liu ba area espesifikas hanesan Money Laundring, polisia maritima ninian, tranzitu no areas seluk ne’ebe PNTL presiza atu dezenvolve diak liu tan.
“Ami mos deskuti oinsa hare kona ba formasaun ba polisis sira nian iha tinan oin mai. Ita sei bele konvida sira atu mai ajuda ita parte fisiko ninian ka kualker area ne’ebe ita sente nesesita,” hatutan tan Komisario Monteiro.
Entertantu Komisario Jeral Polisia Republika Indonesia POLRI Oegroseno SH hateten katak sira hakarak servisu hamutuk ho PNTL iha area Educasaun no dezenvolvimentu Rekursu Humano iha futuru mai.
“Ita espera katak iha kompetisaun entre Polisia Republika Indoensia no Polisia Naional Timor-Leste liu liu iha area Educasaun nian,” hateten Komisario Jeral Oegroseno.