- Publika iha: 03 Janeiro 2012
STAE (Sentru Tekniku Apoio ba Eleisoens) ho nia nia ekipa realiza enkontru ho Majistradus, Prokuradores no Defensores Publiku konaba prosesu eleitoral durante Eleisaun Jeral iha 2012.
“Objetivu ohin ne’e ami halo ona formasaun ba partidu politiku sira, media rasik, komunidade, sosiedade sivil, no joven sira. Agora tempu ona Minister Publiku,Tribunais, no Prokuradoria sira oinsa atu bele forma sira,” dehan Diretor Jeral STAE, Tomas do Rosario Cabral, iha Caicoli, Dili, semana kotuk (2/12/).
Diretor Cabral esplika mos kona ba metodo kontajen votos no nia prosesu.
“Ita hotu hatene Eleisaun nia kontajen hahu kedas iha inisial sira tenki hatene, depois lei ne’e fo mos dalan ida atu painel especial ida, Ministru Publiku ho Tribunal nian atu atende kazu-kazu ne’ebe viola prosesu Eleitoral.”
Entertantu Prokuradora da Republika, Dra. Ana Pesoa hateten surumutu ne’e impotante tebes para oinsa prokuradores sira atu bele apar konaba prosedimentu eleitoral ninian.
“Liu–liu konaba regulamentus, konaba sasan nebe konkretu para sira bele akompania tanba bele akontese problema ida ka rua iha Eleisaun. I bele mos mossu keisa ruma, entau Prokurador tenki investiga didiak,” dehan Prokuradora da Republika Pessoa.
Nia esplika katak, prosesu eleitoral uluk ninian lao diak tebe-tebes, I tinan oin mai tenki lao ho sem pursentu, para komunidade internasional garante no la iha duvidas atu organiza iha eleisaun livre no demokratiku.