Sexta, Março 01, 2024
Total visitors: 766366

Xefe Seksaun Relasaun Externa, iha Autoridade Protesaun Sivil (APC) Nasionál, Nelson Nunes de Orleans informa semana kotuk (dia 23 até 29) fulan-janeiru 2024, rejista uma kain hamutuk 181 mak hetan estragus husi dezastre anin bo’ot, rai halai no ahi han uma iha munisípiu 12.

Xefe Seksaun Relasaun Externa, iha Autoridade Protesaun Sivil (APC) Nasionál, Nelson Nunes de Orleans informa semana kotuk (dia 23 até 29) fulan-janeiru 2024, rejista uma kain hamutuk 181 mak hetan estragus husi dezastre anin bo’ot, rai halai no ahi han uma iha munisípiu 12.

Nia dehan munisípiu ne’ebé afeta mak munisípiu Aileu rejista anin sobu uma rua (2), munisípiu Ainaro anin sobu uma neen (6), munisípiu Baucau anin sobu uma 10 no ahi han uma rua (2), munisípiu Bobonaro anin sobru uma 12, rai halai estraga uma hitu (7), munisípiu Covalima anin sobu uma sia (9) no ahi han uma hat (4), munisípiu Ermera anin sobu uma 17 no rai halai estraga uma hat (4), munisípiu Lautem anin sobru uma sia (9), munisípiu Liquça anin sobu uma 31, munisípiu Manatutu anin sobu uma hat (4) no ahi han uma rua (2), munisípiu Manufahi anin sobu uma tolu (3) no ahi han uma ida (1), munisípiu Viqueque anin sobu uma 11 no ahi han uma rua (2) no Rejiaun Administrativu Espesial Oecusse Ambeno (RAEOA) anin sobu uma 44 no ahi han uma ida (1).

“Tuir informasaun vitima sira ne’e balun hela iha vizinho sira no iha kada komandu APC nian. Vitima sira simu ona apoia emerjénsia hanesan pakote aihan no laos aihan ba apoia konstrusaun nian ekipa sei halo verifikasaun hodi kalkula estragus uma ne’e tama iha kategoria aat total, aat naton no aat kaman,” nia hateten liu husi konferensia imprensa iha edifisiu APC Caicoli, Dili.

Nia hateten hahu fulan-janeiru 2024, rejista ona familia uma kain hamutuk 701 mak sai vitima ba dezastre naturais no sira ne’e maioria hetan ona apoia emerjénsia, maibe seiduak hetan apoiu rekuperasaun tanba presiza halo verifikasaun.

Iha parte seluk, Xefe Suku Soba iha postu administrativu Laga munisípiu Baucau, Francisca Monica de Fatima Soares hateten semana hira ikus ne’e akontese anin bo’ot, maibe agradese la afeta komunidade sira.

“Loos akontese duni anin bo’ot durante semana hira ne’e, maibe hau la simu informasaun ruma husi xefe aldeia sira no komunidade katak anin sobu uma, signifika laiha vitima,” nia hateten.

Nia hateten sira iha kordenasaun servisu ne’ebé diak tebes ho Autoridade Protesaun Sivil munisípiu halo atividade sosializasaun no edukasaun redus risku dezastre naturais iha suku atu konsensializa konsensia komunidade nian konaba impaktu dezastre, sinais dezastre, prevensaun no kuidadu atu ema ida-ida kontribui ba asaun sira redus risku dezastre.