Programa USAID Foti husi povu Amerika ne’ebe durante ne’e hala’o sira nia misaun hodi promove akuntabilidade no transparansia iha rai laran, hakotu ona sira nia misaun iha Timor-Leste.
Membru Parlamentu Nasional, sujere ba governu atu lokaliza tiha aktividades prostituisaun ne’ebe dadaun ne’e buras iha Dili laran, nune’e bele fasilita pesoal saude sira atu fo asistensia saude no edukasaun prevensaun moras hada’et sira.
Fundasaun Alola estabelese ona sentru kooperativu hat iha distritu hat, hodi promove no fasilita grupo feto sira nia produtu local bele fa’an iha merkadu, nune’e bele hadia sira nia kondisaun moris.
Membru Parlamentu Nasional preokupa ho konstrusaun ponte Taroman, distritu Covalima ne’ebe halo iha tinan rua liu ba, maibe to’o agora seidauk hatudu progresu ne’ebe signifikativu.