Sábado, Março 06, 2021
Total visitors: 551764

Komando Polisia Munisipio Dili prosesu ona familia ida iha suku Bekora Aldeia Kakeu-Laran tanba subar sidadaun ida ne’ebe mak halo movimento illegal mai kapital Dili, no lakumpri kuarentena hodi kontra regras estado emergensia (EE) nian.

Komandante Polisia Munisipio Dili, Superientendente Xefe Henrique da Costa, hateten familia refere subar sidadaun ida ne’ebe mak halo movimento illegal husi Atambua tama mai to’o iha Dili iha dia 10 Janeiro 2021.

Komandante Polisia Munisipio Dili, Superientendente Xefe Henrique da Costa, hateten familia refere subar sidadaun ida ne’ebe mak halo movimento illegal husi Atambua tama mai to’o iha Dili iha dia 10 Janeiro 2021.

“Tanba ne’e ita kaptura no submete familia ne’e ba prosesu tuir dalan legal tanba iha situasaun estado emergensia komete tiha movimento illegal no tama mai familia subar ho lakoi kopera ho parte saude hodi hela iha kuarentena,” Komandante Costa dehan.

Nia dehan, familia ne’e polisia kaptura iha dia 26 Janeiro no submete kedan ba kuarentena iha Tibar nune’e mos, no prosesu ba Ministerio Publiku kuntinua la’o.

“Antes ita submete sira ba kuarentina ita halo ona prosesu identifikasaun no investigasaun hodi hato’o ba ministerio publiku bele prosesu,” nia informa.

Tanba ne’e nia dehan, dadaun ne’e familia no sidadaun ne’e sei kumpri kuarentena 14 dias despois hotu submete kedan ba prosesu tanba hahalok ne’ebe mak sira komete ne’e kontra lei estado emergensia nian.

Entretanto, Xefe Aldeia Kakeu-Laran, Luis Gonsalves hateten sidadaun ne’ebe mak familia ne’e subar iha vizinhu sira mos la hatene ida tanba iha uma laran deit.

“Iha segunda ne’e mak ita foin hatene katar sira subar ema ida ne’ebe mak mai husi Atambua maibe la hatama ba kuarentena no ita kontakto kedan ba ekipa ministerio saunde no polisia hodi fo hatene,” nia dehan.

Nia dehan, tuir lolos hanesan komunidade labele subar ema foun iha Aldeia laran, liu-liu liga no situasaun Covid-19 no sidadaun ne’e mai los husi area ne’ebe mak risku bo’ot ba Covid.

“Hahalok ne’ebe mak familia ne’e hatudo ne’e la kointribui ba prevensaun Covid-19 iha Timor-Leste,” Xefe Aldeia Gonsalves hateten.

Nia dehan, durante ne’e sosializasaun husi Polisia no Saude konaba labele husik ema foun ida tama livre iha bairo ka aldeia laran bainhira nia seidauk kumpri kuarentena 14 maibe familia ne’e finjido hodi kontra lei tanba ne’e tenke prosesu.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04