Segunda, Janeiro 25, 2021
Total visitors: 544459

Polisia Nasioan Timor-Leste (PNTL) sei kriminaliza komunidade sira ne’ebe mak kontra regras estado emergensia (EE) ba dala IX nian hodi halo prevensaun ba surto Corona Virus iha Timor.

Portavoz PNTL Superientendente Xefe Arnaldo de Araujo hateten, regras estado emeregnsia ba dala IX ne’e bando ema halibur malu liu husi 10 no mantein distansia social no uza maskara.

Portavoz PNTL Superientendente Xefe Arnaldo de Araujo hateten, regras estado emeregnsia ba dala IX ne’e bando ema halibur malu liu husi 10 no mantein distansia social no uza maskara.

“Iha EE ba dala IX ne’e ita la autoriza komunidade halo festa kultura, kazamento, ka festa ka aktividade sira ne’ebe mak halibur ema liu nain 10,” Superientendente Xefe Araujo informa.

Tanba ne’e nia dehan, aktividade sira ne’e komunidade se mak halo polisia sei halo impede hotu no la tolera ba kualker sidadaun.

“Ba komunidade sira ne’ebe mak la kumpri regras estado emergensia nian no kuntinua halo aktividade sira ne’ebe mak bando polisia sei kriminaliza nia tuir lei ne’ebe vigora ona iha ita nia rai,” nia salienta.

Alende ne’e, niua husu ba komunidade sira halo tuir ba ordem ne’ebe mak polisia sira fo sai ligado ho implementasaun EE ne’e no medidas prevensaun sira no labele hasai liafuan mal hasoru regras ne’ebe mak Prezidente hasai.

“Komunidade ne’ebe mak hasai lia mal ba polisia bainhira implementa lei mak sei kriminaliza tuir lei desobidiensia ka kodigo penal,” nia informa.

Tanba ne’e nia dehan, uza maskara no mantein distansia social ne’e diak ba komunidade tomak iha Timor nia saude atu bele prevene husi surto corona virus, labele uza tanba tauk polisia.

Entretanto, Komandante Polisia Munisipio Baucau Superientendente Xefe Armando Monteiro hateten, hanesan responsabilidade seguransa iha area Baucau nian koalia bei-beik ona konaba dekreto estado emergensia ba komunidade komesa akontese primeiro, maibe sira la iha consiensia.

“Ita nia komunidade finjido la hatene hodi viola tanba ne’e asaun medidas ita sei halo ba komunidade sira ne’ebe mak la kumpri regras estado emergensia sira sei simu konsekuensia,” Komandante Monteiro hateten.

Tanba ne’e husu komunidade labele halo tuir sira nia haklarak maibe tenke kumpri regras estado emergensia, hodi prevene an husi virus corona.

Nia dehan, dadaun ne’e iha Baucau mos polisia alerta ona ba komunidade sira tenke la’o tuir maneira prevensaun ne’ebe mak antes ne’e komunidade sira halo ona hahu husi estado emergensia primeiro mai to’o ohin loron.

E-mail Subscription

Enter your email address:

Follow us on Twitter

  • House Banner Side Bar 02
  • House Add Side Banner 04